Tim Keller (72) er død

Sidan 2020 har den verdskjende pastoren og teologen, Tim Keller, kjempa mot kreft i bukspyttkjertelen.

Den siste tida har han vore på sjukehus. Rundt klokka seks fredag kveld melde Christianity Today at Keller er død.

Sonen Micheal Keller har skrive nokre ord via sosiale media om dei siste minutta før han døydde.

– Timothy J. Keller, ektemann, far, bestefar, mentor, ven, pastor og teolog døydde heime i dag tidleg. Pappa venta til han var åleine med mamma. Ho kyssa han på panna, og han trakk sitt siste åndedrag. Vi trøystar oss med nokre av hans siste ord: «Det finst ingen nedsider ved at eg reiser, ingen i det heile teke.» Vi sjåast snart pappa.

Tidlegare denne veka melde sonen, Michael Keller, på farens Facebook-side at den 72 år gamle Keller var på veg heim frå sjukehuset for å ta imot smertelindrande behandling.

– Eg er klar for å møte Jesus. Eg kan ikkje vente med å møte Jesus. Send meg heim, sa den dødssjuke pastoren i ei melding som sonen delt før han døydde.

Viktige bidrag

Keller er kjend både for sitt forfattarskap og for sitt virke som pastor på Manhattan. Han har produsert ei rekke anerkjende bøker, mellom anna The Prodigal God (Den bortkomne Gud).

På slutten av 80-talet grunnla han Redeemer Presbyterian Church i New York, som i ei undersøking frå 2006 var den 16. mest innflytelsesrike kyrkja i USA, ifølge Wikipedia.

Dei siste åra, medan Keller har vore kreftsjuk, har han ved ei rekke anledningar bede om forbønn, og i meldinga sonen nyleg delte på Facebook, takka han alle som har vore med han i bøn.

– Eg er takksam for alle dei som har bede for meg gjennom åra. Eg er takksam for familien min, som elskar meg. Eg er takksam for den tida Gud har gjeve meg, men eg er klar for å møte Jesus.

Reagerer med sorg

Fleire kjende kristen-profilar har delt meldinga om Tim Kellers situasjon på Facebook. Ein av dei er Kai Anders Johansen, pastor i Centrumskyrkan i Malmö.

Han uttrykte sorg over meldinga om at den verdskjende pastoren, som har vore «et stort forbilde, inspirasjon og mentor» for han, da han var dødssjuk.

«Han er en av vår tids viktigste teologer, apologeter og pastorer. Men mest alt er han en helhjertet etterfølger av Jesus som nå lengter etter å få være med sin frelser…», skreiv han.

Under innlegget kommenterte også Thomas Åleskjær, hovudpastor i Oslo Kristne Senter at Keller er «en av de mest unike bibellærere i moderne tid. En gigant. Blir et stort tap å miste ham.»