Eldrebølgja er for stor for norske kyrkjegardar
Meir bruk av kremasjon kan vere løysinga.
Publisert
I år vil 41.130 nordmenn døy, etter prognosane. I 2050 vil talet ha auka til 57.883.
Det er ei dramatisk utvikling.
Annonse
Konsekvensen er mellom anna at ein ikkje har nok plass til å gravleggja alle som kjem til å døy i løpet av dei neste tiåra.
Eldrebølgja er årsaka. Det seier fagbladet Gravplassen som bruker tal frå Statistisk sentralbyrå (SSB).
NRK har også omtalt denne saka.
Forskjell på kommunane
Det er ein samanheng mellom kor urbane kommunane er, og kor mange dødsfall ein forventar.
Storbyane vil liggje under gjennomsnittet.
– Det skuldast at mange unge vaksne flyttar til dei store bykommunane og får barn der, seier SSB-forskaren Stefan Leknes.
Ein forventar likevel minst auke frå dei minst urbane kommunane. Motsett forventar ein mest auke frå forstadane til dei store byane.
Annonse
Plassmangel
Klepp er blant kommunane som kan forvente ei dramatisk auke i dødsfall. Heile 98 prosent innan 2050, sett mot 2020.
Kyrkjeverja i Klepp kyrkjelege fellesråd, Inger Kari Søyland, ser likevel ikkje mørkt på det.
For kort tid sidan fekk dei ny gravplass, der det er kapasitet til fleire tusen graver.
Gravplassjefen i Bergen kyrkjelege fellesråd, Inghild Hareide Hansen, seier eldrebølgja har vore venta.
– Sjølv om vi har god oversikt fram til 2040, er det viktig at politikarane set av tilstrekkeleg med areal til nye graver, seier ho til NRK.
Gjenbruk og kremering
Det er fleire løysingar på problemet.
Annonse
Gjenbruk av gamle graver er noko av det Alta kommune satsar på, ifølgje Gravplassen.
I kommunar med mindre enn 5.000 innbyggjarar blir ni av ti gravlagd i kister i staden for urner. Det kjem fram i gravplassundersøkinga til arbeidsgiverorganisasjonen for kyrkjelege verksemder, KA, frå 2018
I Alta har det ikkje vore vanleg med kremasjon, ifølgje gravferdskonsulenten i Alta kyrkjelege fellesråd, Gunnar Tangvik. Han trur det kan bli vanlegare dersom kommunen tar rekninga.
Plassbesparelsen ved kremasjon er betydeleg. Det seier kyrkjeverja i Gloppen kommune, Audun Mundal.
– Med urner får vi plass til åtte gongar fleire gravleggingar enn med kistegraver, seier han til NRK.
