Elevane får melding med heim når dei bannar

I to veker i januar i år blei kvart einaste tilfelle av banning på Tysnes skule i Sunnhordland straffa med melding heim, melder NRK Vestland.

Deler av ordninga er vidareført.

Ord som «fader», «herregud» og «shit», er lov, men der går grensa.

– Det har hjelpt ganske mykje. Me er blitt meir skjerpa om å ikkje bruka stygt språk, seier elevrådsleiarane Oliver Fagerborg og Iselin Nilsen i 10. og 7. klasse.

Kjende seg utrygge

I fjor gjennomførte skulen ei undersøking, som viste at ein del elevar følte seg utrygge. Stygg språkbruk var ei av årsakene.

– Me har fått for mykje av det uønskte språket. Det gjer det utriveleg for både elevar og dei vaksne, seier inspektør Synnøve Vines.

Ho fortel at det dagleg var elevar som fekk melding med heim i prøveperioden, og at det har fungert.

Skulen har bestemt å vidareføra delar av ordninga, skriv avisa Tysnes.

– Foreldra er heilt avgjerande for å få bukt med desse utfordringane. Men no sender me ikkje merknad heim straks. Me samlar opp før me gir foreldra tilbakemelding, forklarar inspektøren.

Fytti katta! Her får dommerne utdelt en banneliste for å slå ned på usømmelig språk

Usemje mellom fagfolk

Foreldreutvalet på skulen støttar tiltaka, men fagfolk er usamde.

– Lapp heim om «to gonger 'faen' på skulen» trur eg er eit slag i lufta, seier språkprofessor ved Universitetet i Oslo, Ruth Vatvedt Fjeld, mellom anna kjend for ei bok om banning.

– Eg ville vore veldig forsiktig med dette, for det finst jo inga lov eller regel om at ein ikkje har lov til å banna i Noreg.

Forskning: Folk banner mindre

Professor Erling Roland ved Universitetet i Stavanger meiner trur det er rett å slå hardt ned på språkbruk ei ikkje vil ha i skulen.

– Kvar einaste skule bør ta ei veldig tydeleg rolle. Det å ta tak i negativ språkbruk og stimulera positiv språkbruk er svært verknadsfullt for å skapa eit betre miljø, seier han.

Ville utvise elevar som banna

I 2008 var det nasjonalt oppstyr då det blei kjend gjennom VG at Presterød ungdomsskule i Tønsberg ville utvise elevar som banna. Skulen hadde laga ei liste over ord det ikkje var lov å ta i sin munn, mellom anna kjende bannord og kjønnsrelaterte kraftuttrykk.

Den kjende språkforskaren Finn-Erik Vinje gjekk den gong hardt ut mot praksisens og meinte det var heilt urimeleg å utvise elevar på grunn av banning.

Han meinte det var ein «berikelse» at elevar får høve til nytte eit «sterkt ordforråd» og viste til at ord som «jævlig» og «faen» blir flittig brukt i litteraturen.