Erkebiskop stengjer kyrkjedørene for tilreisande under OL
Katolske kyrkjer i Tokyo vil bli stengde for utanlandske tilskodarar som har komme til byen for å oppleve Dei olympiske leikane og Paralympics. Grunnen er den nye smittebølga i OL-byen.
Tilskodarane er allereie utestengde frå leikane i Tokyo. No har den katolske erkebiskopen, Tarcisio Isao Kikichi, også stengt dørene i kyrkjene i byen for tilreisande tilskoderar og deltakarar med støtteapparat, skriv Religion News Service (RNS).
Oppfordring
Annonse
«Alle dei som kjem til Tokyo i denne perioden vil få informasjon om tiltaka som som gjeld grunna covid-19 i kyrkjelydane, og vil bli oppfordra til ikkje å vitja kyrkjene», heiter det i ei fråsegn frå erkebiskopen.
OL varer frå 23. juli til 8. august etterfylgt av Paralympics.
I følge avisa USA Today har vaksineringa mot Covid-19 gått tregt i Japan, med berre rundt 20 prosent vaksinerte til no, og erkebiskopen skriv i brevet sitt at ei slik samling av utøvarar og støtteapparat frå heile verda skaper frykt for ei vidare smitteauke.
Religiøse tilbod
Fleire av dei 11 000 utøvarane er katolikkar , og dei olympiske deltakarlandsbyane har tidlegare hatt religiøse tilbod, men Den Internasjonale Olympiske Komité kunne ikkje svare på kva som vil bli tilbydd utøvarane i leikane i Japan i følge nyhetsbyråpet RNS.
Erkebispedømmet i Tokyo kjem til å senda sødagsmesse live og andakstvideoar vil bli tilbydt på mange forskjellige språk i følge The Union of Catholic Asian News.
Også Tokyo sine eigne katolikkar får restriksjonar under leikane. Det kjem mellom anna til å vera eit avgrensa tal på deltakarar under søndagsmessene. Det vert også oppfordra om at gamle og kronisk sjuke blir heime for å be i staden for å komme på messe.
