GAMMAL KRISTEN ARV: Den syrisk-ortodokse presten Sefer Bileçen, kjend som fader Aho, har busett seg i Mor Jakob-klosteret i provinsen Mardin i Tyrkia for å ta vare på det 1500 år gamle klosteret. Foto: Christine Gripsgård Lunga / Stefanusalliansen
Fader Aho gav mat til svoltne som banka på klosterdøra. No må han i fengsel
Dei sa dei var svoltne og tørste. Fader Aho gav dei mat og drikke. No er han skulda for å støtte terroristar.
Hendinga skal ha skjedd midt på varmaste sommaren i 2018, i Mor Jakob-klosteret sør-aust i Tyrkia.
I ei årrekkje har den syrisk-ortodokse munken budd her, i fjella nær Nisibis i provinsen Mardin, for å ta vare på det 1500 år gamle klosteret. Gjennom hundreåra har det vore eit viktig prinsipp for munkane å vise omsorg og hjelpe fattige og svoltne.
Då to ukjende personar banka på klosterdøra denne sommaren, fekk dei det dei bad om av presten Sefer Bileçen, kjend som fader Aho.
