Færre amerikanarar er nøgde med livet sitt – gifte kyrkjegjengarar er mellom dei som har det best
Mindre enn halvparten er «svært tilfredse» med livet sitt, ifølgje ny undersøking.
Publisert
Sist oppdatert
Tala kjem frå Gallup som har gjennomført tilsvarande målingar sidan 2002.
Her er nokre nøkkelfunn:
Annonse
* 47 prosent seier dei er «svært tilfredse» med livet sitt. Det er berre eitt prosentpoeng over botnpunktet i 2011.
* 78 prosent er enten veldig eller nokså tilfredse, som er fem prosentpoeng ned frå i fjor.
* Dei mest tilfredse er de som har høg inntekt, dei som er gifte, har høgare utdanning.
Økonomi avgjer
Det er tredje gong sidan årtusenskiftet at mindre enn halvparten er «svært tilfredse» med det personlege livet sitt.
Dei tidlegare botnpunkta har inntreft i periodar med økonomisk uvisse, som finanskrisa i 2008.
I januar 2020 var rekordmange amerikanarar tilfredse med livet sitt, då mange hadde stor tillit til økonomien. To månader seinare kræsja den med covid.
Dårleg råd
Annonse
Tala frå Gallup viser også at amerikanarane no i 2024 i stor grad har eit negativt syn på økonomien.
Som Dagen skreiv i førre veke, er det sannsynleg at Joe Biden vil leggje vekt på økonomiske resultat i valkampen, men mange amerikanarar opplever framleis at dei har dårleg råd.
– Sjølv om inflasjonen er redusert, så vert framleis prisane opplevde som høge for mange amerikanske veljarar, sa rådgivar Eirik Løkke i Civita.
Den årlege inflasjonen i USA auka frå 3,2 prosent i 2011 til 8,3 prosent i 2022, ifølgje Statista.com.
I januar i 2024 var nivået nede på 3,4 prosent.
Kyrkjegjengarar og demokratar
Berre i nokre få demografiske grupper er det eit fleirtal som er «svært tilfredse» med livet sitt. Det er dei som bur i ein husstand med inntekt på meir enn 100.000 dollar (1,058 millionar kroner), gifte vaksne, dei som går regelmessig til gudstenester, dei som har høgare utdanning, demokratar og dei som er over 55 år gamle.
I nesten alle grupper er folk like tilfredse eller litt mindre tilfredse enn i fjor, bortsett frå demokratar. Dei er litt tilbøyelege til å vere meir tilfredre i år. Mellom republikanarar har nivået gått ned med ti prosentpoeng.
