GIR JESUS ÆRE: Cody Gakpo nytta skåringa i Premier League til å peike på Jesus.
Cody Gakpo Instagram
Gav Jesus ære i avgjerande kamp
Liverpool-spelar Cody Gakpo drog av seg klubbtrøya etter 3-1-skåringa mot Tottenham på sundag.
Om ein søkjer på orda «I belong to Jesus» dukkar både hymner og moderne lovsongar opp. Men sundag kveld, då fotballfans over heile verda sat klistra framfor skjermen for å sjå om Liverpool klarte å vinne kampen og bli seriemeister i Premier League, skjedde det noko uventa.
Etter å ha scora Liverpool sitt tredje mål mot Tottenham i oppgjeret på Anfield i går, vrengde Cody Gakpo av seg den raude skjorta.
«Eg tilhøyrer Jesus», stod det svart på kvitt på t-skjorta til den nederlandske spissen medan han peikte mot himmelen.