– Har respekt for mektige sanger

Det fins legendariske innspelingar av «O helga natt». Jussi Bjørling, Tommy Körberg og vår eigen Sissel Kyrkjebø har gjort eigne versjonar. Luciano Pavarotti og Placido Domingo syng og songen i ein konsert i Wien sett av to millionar på nettstaden Youtube. 9 millionar har sett Josh Groban syngje «O Holy Night». For å nemne nokre.

Det skremmer på ingen måte Margit Jansdotter Garlid. Då 23-åringen og venninna, Vilde Moe Havre, inviterte til julekonsert i Arna kyrkje førre laurdag, song Margit «O helga natt».

– Kjende du på forventningane?

– Ja, det skal eg ikkje lyge om.

– Han er mektig!

Ho har alltid litt nervar før ho skal opptre sjølv om ho har hatt publikum sidan ho var lita. Då ho var barn, var Margit med i Bergen musikkteater. I 2015 var ho ferdig på Musikkteaterhøyskolen i Oslo og kom attende til Vestlandet. No underviser ho i musikal og teater på Bergen Kulturskole.

Margit har hatt «O helga natt» med seg lenge. Då ho gjekk på Fyllingsdalen vidaregåande skule i Bergen vart ho sjuk før ho skulle opptre med songen.

– Etter det har eg spart han og har leita etter eit høve til å synge han, seier ho til Dagen.

Konserten var eit slikt høve, tykte ho.

– Han er mektig! Eg har stor respekt for mektige songar.

SE VIDEO: Sissel Kyrkjebø synger «O helga natt» Kreditering: Schmued/Youtube

– Det er mi kyrkje

Fransk originaltittel er Minuit, Chrétiens, opphavleg frå 1800-talet. Den blei skriven av Placide Cappeau i 1843 og tonesett av Adolphe Adam fire år etter. Sidan han ikkje høver for allsong, står han berre i nokre få salmebøker. I Sverige er songen ein klassikar på juleplater og konsertar.

Etter returen til heimbyen har Margit Jansdotter Garlid blitt med i Gospel Bergen. KFUK/KFUM-koret vart starta av Rune Larsen i 1969, er Norges eldste gospelkor, og har som føremål å spreie evangeliet gjennom musikken.

Tidleg denne månaden song Margit solo då koret hadde julekonsert i Johanneskyrkja for 400 menneske.

– Kvifor valde du å synge O helga natt i Arna kyrkje?

– Det er mi kyrkje. Er er døypt og konfirmert der og det er der eg går når eg deltek på gudsteneste, så det føltes naturleg for meg.