Harald Eia slår tilbake mot skuldingar om «Hjernevask»
– Hjernevask er ein «kamp mot vitskapen», dersom ein med «vitskap» meiner det kjønnsforskar Jørgen Lorentzen heldt på med da han jobba som forskar, seier den kjente komikaren.
Publisert
Sist oppdatert
I haust låg det omstridde tv-programmet Hjernevask an til å bli lagt ut igjen, tolv år etter NRK fjerna det frå sine nettsider.
Dagen kunne likevel nyleg melde at statskanalen ikkje vil republisere den segnomspunne serien likevel.
Annonse
Programmet førte i si tid til ein skarp debatt, noko det også gjer denne gongen.
Då Dagen spurde Hjernevask-profila Jørgen Lorentzen kva han synest om at det ikkje blir noka repulisering likevel, kom han med ei rekke skuldingar mot programleiaren, Harald Eia.
No svarar Eia på kritikken.
No svarar Eia på kritikken
I tv-serien som hadde fleire hundre tusen sjåarar då den vart publisert i 2010, gjekk Eia i rette med ei rekke kjønnsforskarar som hevda at biologi og seksualitet ikkje hang saman.
Ein av dei var nettopp Jørgen Lorentzen.
Han hamna i klinsj med NRK etter publiseringa og meldte statskanalen til Pressens faglege utval. Han meinte dei hadde framstilt han feil, men vann ikkje fram med skuldingane.
No rettar han igjen kritikk mot tv-programmet og Harald Eia.
Annonse
– Den ironiseringa og kampen mot vitskapen som Eia heldt på med, er vi vel forbi. Den er også til dels injurierande mot enkelte av oss fordi programmet inneheld ein rekke feil, så eg går ut frå at NRK kvir seg for å ta opp den kampen igjen.
– Programmet er både anti-likestilling, homofiendtleg og rasistisk, så eg trur ikkje det heldt mål i dag, sa Lorentzen då Dagen spurde kva han tenkte om at NRK ikkje vil republisere programmet likevel.
Eia Svarer
Harald Eia heldt ikkje tilbake då han svarar på Lorentzens angrep.
– Eg er einig i at Hjernevask er ein «kamp mot vitskapen», dersom ein med «vitskap» meiner det Jørgen Lorentzen heldt på med da han jobba som forskar frå 2003 til 2012, skriv Eia i ein mail til Dagen.
– I denne perioden publiserte Lorentzen mellom anna ein artikkel der han tok til ordet for ein ny seksualetikk basert på «penis som ei bru frå meg til deg», skriv han vidare.
Eia meiner også det er typisk Lorentzen å komme med skarpe angrep mot dei han er ueinig med.
Han nemner ei rekke karakteristikkar som Lorentzen skal ha delt ut i samanheng med debatten som kom i kjølvatnet av Hjernevask, og meiner sjølv å ha blitt skulda å vere i ei «midtlivskrise».
Annonse
Eia seier det ikkje er noka problem at NRK ikkje legg ut igjen serien, så lenge den er tilgjengelege andre stader, noko den er på til dømes Youtube og VIMEO.
– Folk kan jo bere sjå programmet, til dømes episoden om homofili, som handlar om seksuell orientering er medfødt eller ei, og sjølv vurdere om dette er eit «homofiendtleg» program, seier han.
