Her blir stadig fleire kristne drepne
Leiar frå Åpne Dører om nye drap på kristne i Pakistan: – Dei kan ikkje heve røysta si utan at nokon vil straffe dei.
Publisert
Sist oppdatert
Nyleg skreiv Christian Daily at ein katolsk far til fire blei skoten av muslimske naboar i Pakistan.
Fire væpna muslimar skal ha kome inn i huset deira om natta. Marshall Masih (29), kona og deira fire barn blei holdt som gislar med våpen, før gjerningsmenna fyrte av 16 kuler på Masihs kropp.
Annonse
Veka før drapet skal Masih ifølge familien ha protestert mot trakkasseringa av kristne i området.
To og ein halv månad før hendinga, skal han ha rapportert overgripsmenna til politiet fordi dei hadde skote i lufta og trakassert kristne kvinner.
Sto opp for rettigheitene
Fagleg leiar i misjonsorganisasjonen Åpne Dører, Ole Petter Erlandsen, ser ein kristen mann som ikkje går stille i dørene, men beskyttar dei svake.
– Han tek til orde mot dei som har plaga kristne. Til gjengjeld blir han drepen av fire muslimske menn.
Erlandsen seier saka er annleis enn mange andre i Pakistan, der valdelege angrep ofte botnar i ei anklage om blasfemi. For sjølv om berre 1,8 prosent av befolkninga er kristne, er heile 25 prosent av alle blasfemisaker retta mot dei, fortel han.
Ei av fleire hendingar
Saken med familiefaren er berre ei av ei rekke hendingar i Pakistan det siste året.
Annonse
Christianity Today og Stefanusalliansen rapporterer at Nazir Masih (73) blei drepen av ein mobb, då han blei skulda for blasfemi.
For litt over ei veke sidan blei ein ung mann dømt til døden, ifølgje Open Doors. Han hadde delt eit bilete av ein øydelagd koran på tiktok. Han vart arrestert og dømt til døden.
16. august i fjor gjekk hundrevis av menn laus på minst 22 kyrkjer og 91 heimar. Mange av bygningane blei utbrent og øydelagde.
Dette rapporterte Dagen og ei rekke andre medier.
Behandla som andrerangs borgarar
Erlandsen seier muslimane vel å hemne seg på firebarnsfaren for å sei «ikkje tru at de kan ha dei same rettane som oss her». Dei gjer det for å skremme kristne til tausheit.
– Kristne i landet kan ikkje heve røysta si utan at nokon vil straffe dei, seier han.
Fagleiaren meinar dei fire millionar kristne i Pakistan blir behandla som andrerangs borgarar.
Annonse
Han forteller at de blir pressa bort frå jordeigedommar, inn i fattige område i byane og tvinga til å ta dei dårlegaste jobbane. I stillingsannonsane for kloakkarbeidarar i Lahore skriv dei at dei berre vil ha kristne, for det er eit ureint arbeid.
– Dersom dei prøver å vise at dei er likeverdige borgarar med rettigheiter, kan dei bli utsett for represaliar, seier Erlandsen.
Fagleiaren synast det er alarmerande at eit samfunn kan fungere på denne måten.
På Åpne Dører si liste over dei vanskelegaste stadane i verden å vere kristen er Pakistan på sjuande plass.
Verknadar frå Gaza
Erlandsen seier at muslimane i landet får med seg krigen i Gaza og legg skylda på jødar og kristne. Det er ein av årsakene til at aggresjonen mot kristne i Pakistan har auka den siste tida, fortel han.
– Plutseleg blir kristne og jødar eit meir legitimt mål, for dei blir sett på som støttespelarar for Israel i Gaza-krigen.
Fagleiaren synest det er ein merkeleg effekt av ein konflikt som er langt borte.
Annonse
– For oss kan det verke merkeleg at ein konflikt langt borte kan få slike konsekvensar. Men for rettruande muslimar, som er vant til å dele verda inn i muslimar og ikkje-muslimar, kan dette likevel vere heilt logisk.
Opplever lite respons
Tidlegare fagleg leiar i Åpne Dører Stig Magne Heitmann engasjerer seg for forfølgde kristne. I det siste har han på Facebook skrive om vener i Pakistan som opplever forfølgelse.
I eit lesarinnlegg til Dagen skriv han om uretten dei må lide.
Det inneber blant anna fattigdom, manglande skulegang, valdtekt og nedbrende heimar og kyrkjer.
Heitmann opplever liten respons på lidinga til kristne som bur langt borte.
«Skyldes det den geografiske avstanden, eller er vi rett og slett apatiske for lidelsene på steder vi ikke har noe forhold til», spør han.
«Hva om det var min søster og men egen familie? Saken er at det er mine kristne søstre og min kristne familie! Det er ikke mulig å forholde seg likegyldig. Vi trenger vekkelse blant oss!» skriv Heitmann.
