Hevdar han mista jobben fordi han evangeliserte på gata

Saka til Andy Nix (65) byrja for to år sidan. Då blei det oppdaga at skuleassistenten i Yorkshire dreiv med gateevangelisering på fritida.

Kort tid etterpå fekk han beskjed om å slutte i jobben på dagen.

Han gjekk til søksmål mot arbeidsgjevaren, og fleire medier melder at striden no har kome til ei avslutning. I staden for rettssak har Andy Nix fått ein kompensasjon på 7.000 pund, tilsvarande 93.000 norske kroner frå skulen der han var tilsett.

Hevder hun ble stanset av politiet for å ha tilbudt hjelp til gravide

Nix er nøgd med oppgjeret og tolkar det som at arbeidsgjevaren har erkjent at dei gjorde ein feil då dei ba han pakke sakene.

Hevdar han fekk sparken

Nix var tilsett ved Temple Moor High School i Leeds då han han i 2022 skal ha blitt kalla inn til HR-sjefen og beden om å forlate arbeidsplassen på dagen.

Det skriv Christian Legal Centre, som har støtta den ihuga kristne engelskmannen i kampen mot oppseiinga.

– Trakassering og diskrimering

I søksmålet mot skulen hevdar Nix å vere utsett for trakassering, diskriminering og brot på retten til tanke- og religionsfridom etter artikkel 9 i Den europeiske menneskerettskonvensjon. Han fremja kravet gjennom Arbeidsretten, Employment Tribunal.

Ble arrestert fordi hun ba. Nå har hun fått en beklagelse fra politiet

Når han omsider får ein god slump pengar frå sin tidlegare arbeidsgjevar, opplever han at skulen i røynda har innrømt at dei gjorde ein feil då han fekk sparken.

– Men det er grunn til uro dersom kristne ikkje har lov til å debattere, forkynne og uttrykkje si tru offentleg utan at dei skal vere redde for å miste livsgrunnlaget, held han fram.

– Eg elskar Jesus og bør ikkje bli behandla som ein kriminell for å dele dei gode nyhenda med andre, legg han til.

Kross med Jesus-tekst

Andy Nix fortel at han var saman med ein ven då det oppstod tumultar under ei økt med gateevangelisering i Leeds. Sjølv bar han ein kross med teksten «Jesus rescues».

Statsråd ber politiet slutte å arrestere folk som ber

Til lokalavisa Leeds Live fortel Nix at ein «spesiell fyr» brått kasta seg fram og prøvde å ta krossen frå han. Han stiller seg undrande til at politiet ikkje arresterte angriparen, men den angripne.

Han blei skulda for ha framsett hatefulle og homofobe ytringar og måtte sitje i arresten over natta.

Nix nektar for å ha kome med slike ytringar.

Abortmotstanderen Julia ble kastet ut fra jordmorstudiet. Ny lov kan hindre at det skjer igjen

– Avkall på trua

Christian Legal Centre har sidan 2007 arbeidd for kristne som på ulike måtar har fått trøbbel på grunn av ytringar og engasjement.

Dei skriv på sine nettsider at Andy Nix under møtet med skulens HR-sjef skal ha fortalt at han var evangelist på fritida. Nix skal ha opplevd seg pressa til å gje avkall på si kristne tru eller risikere å miste jobben.

Han skal vidare ha blitt fortalt at elevar og foreldre ikkje ville godta å ha ein tilsett som dreiv med evangelisering og at dette var i strid med skulen sine verdiar.

Opplever endring på kort tid

– Det mest sjokkerande er korleis politiet no, samanlikna med for ti eller 15 år sidan, ikkje er interessert i å verne om ytringsfridomen til menneske som oss. Dei er berre interessert i å vere politisk korrekte. Alle som kjem med falske klagemål som «å, dei har vore homofobe» blir trudd. Kor fiendtleg politiet er, det er det mest sjokkerande, meiner Nix.

Fleire i trøbbel

Politiet i West Yorkshire har ikkje vilja kommentere saka. Premier Christian News har prøvd å få ein kommentar frå skulen Nix arbeidde på, men førebels utan å lukkast.

Christian Legal Centre og samarbeidspartnaren Christian Concern har den siste tida hatt fleire saker der personar har fått problem i arbeidsforholdet sitt fordi dei står for tradisjonelle kristne synspunkt i mellom anna samlivsetikken.