Over ein halv million born deltek på skulegudstenester rundt om i landet. Stadig fleire skular takkar ja til invitasjonen frå Den Norske Kyrkje om å delta.
Foto: Gorm Kallestad, NTB scanpix
Hevdar regjeringa pressar skuleelevar til å gå i kyrkja
– Det har vore eit stemningsskifte, seier sokneprest i kyrkjelyd som i år aukar talet på skulegudstenester.
I 2018 auka antal skulegudstenester med åtte prosent. Human-Etisk Forbund meiner at regjeringa tvingar skulane til å delta.
Kvart år sender Den norske kyrkje ut invitasjonar til landets skular, der dei vert bedne om å delta på julegudstenester i dei lokale kyrkjene.
I fjor vart det arrangert 232 fleire skulegudstenester enn i 2017, noko som betyr at det var nesten 1700 born meir enn åra før som deltok, i følgje tal frå SSB.
