ImF-pastor: – Vi må ikkje «outsource» påverknaden av barna

I helga vart Indremisjonens (ImF) årlege leiarkonferansen arrangert på Straume, like utanfor Bergen.

På seminaret til Landro, som er hovudpastor i Sandnes-forsamlinga Fredheim Arena, var spørsmålet kva besteforeldre kan bety for barnebarna.

– Dess meir evangeliet har å seie for oss, dess meir påverkar det dei.

– Det skjer på vår vakt

Landro er sjølv bestefar og har åtte barnebarn. Då han var på seminar i England for fleire år sidan, starta det han beskriv som ei reise.

Ein statistikar hadde sett på tala for unge i Den anglikanske kyrkja, og pilane peikte berre nedover. Pastoren kjente igjen trenden, og sat att med ei kjensle av at dette var tal han gjerne skulle vore forutan.

– Vi som er opptatt av at unge skal bli kjent med Jesus, føler på at dette skjer på vår vakt. Det er ikkje sjølvsagt at barnebarna våre vel å ta til seg den trua vi gjev dei, seier han.

Sidan den gong har bestefaren vore opptatt av korleis tru kan bli vidareført gjennom generasjonar. Han seier dei spora du set i barnebarna dine, får påverknad så lenge dei lever.

Eit trusklima

Landro seier det er mykje ein kan gjere for at barnetrua skal vara inn i vaksenlivet. Han trur det er viktig å skapa ein kultur i familien som gjer at kyrkja blir vanskeleg å forlate når ein veks opp, og flyttar heimanfrå.

– Tru går ikkje i arv, men vi kan forme eit trusklima som legg til rette for at den gjer det.

Bestefaren seier dei nære relasjonane er viktigare for verdiane til barna enn samfunnet.

– Vi må ikkje «outsource» påverknaden av barna til kulturen.

Prioriteringar

Landro seier det er viktig å prioritere barnebarna, dersom du skal ha langsiktig påverknad på dei.

– Vist barnebarna mine ringer, går eg midt i ei vekking.

Han trur unge menneske ønsker å ha meir med «dei gamle» å gjere, og understrekar atunge i dag er begeistra for «gamle folk».

Bestefaren trur ofte dei eldre ser på dei unge som problemet, det meiner han er feil innstilling. Landro trur det er viktigare å møte dei unge der dei er, enn å lure på kvifor dei ikkje kjem på arrangementa deira.

Besteforeldre

To av dei som deltok på seminaret til Landro var bestefedrane Erling Birkedal (68) og Oddvar Blindheim (66).

Birkedal, som sjølv har seks barnebarn, var på leiarkonferansen for å bidra på eit anna seminar. Han seier temaet Landro tar opp er viktig.

Førsteamanuensen beit seg særleg merke i at det er sentralt å legge til rette for tru i heimen, dersom ein skal lykkast med å gje trua vidare.

– Vi må skape ein atmosfære der trua kan vekse.

Dette er noko han er bevisst på når han er med sine eigne barnebarn.

Blindheim tenker mykje på korleis han kan ha få bety noko for trua til barnebarna.

– Eg saknar å komme i fleire situasjonar der eg kan formidle evangeliet til dei.

Han seier Landro fekk godt fram korleis besteforeldre kan ha mykje å seie for barna gjennom heile livet deira, ikkje minst med tanke på utviklinga av tru og verdiar.