Japan vil ha unge til å drikke meir

Verdas tredje største økonomi slit med å få skatteinntektene opp på gamalt nivå etter koronatida. Dei har skrumpa som følgje av stengde pubar og restaurantar.

Japanarane drikk mindre, noko som skapar uro hos dei som driv inn skatt. Difor er det sett i gang ein kampanje, som vekkjer internasjonal oppsikt.

Det skriv fleire media, mellom andre CNN.

Premie til dei beste ideane

Kampanjen «Sake Viva!» er sett i gang av skattestyremaktene og rettar seg særleg mot aldersgruppa 20 til 39. «Sake» er det japanske nasjonalbrennevinet, i Vesten gjerne omtalt som risbrennevin.

Kampanjefolka veit ikkje heilt korleis dei skal nå eit slikt mål. Difor blir borgarane bedne om å sende inn idear til korleis ein kan få folk til å drikke meir. Dei beste ideane blir premiert under eit arrangement seinare i haust.

Drikk mindre

Nedgangen i alkoholbruken blir forklart med at livsstilen til mange unge har endra seg i koronatida: Dei drikk mindre. Ei anna forklaring er fallande fødselsrate og forgubbing. I kampanjen blir dei unge bedne om å bidra til å «revitalisere» industrien.

Frykter alkovaner under pandemien skal skape trøbbel i framtiden

– Stort sosialt problem

Kampanjen møter som venta motstand og undring, og mange vil hevde at føremålet er stikk i strid i offisiell helsepolitikk, som går ut på å redusere forbruket og skadeverknadane av drikking. Så seint som i fjor omtalte landets helseminister alkohol som eit stort sosialt problem.

Nordmenn drikker ikke mer alkohol under koronautbruddet

– Tullar du?

«Tullar du? Å halde seg unna alkohol er jo ein god ting!» skriv ein Twitter-brukar ifølgje CNN.

Korona er ikkje heile årsaka til trenden. Det årlege forbruket av alkohol i Japan har falle frå 100 liter per person i 1995 til 75 liter i 2020, skriv The Guardian.