Jon Harald (26) evangeliserer med Laget og UIO på Svalbard: – Veldig oppmuntrande

– Me har bedd mykje om dette, seier student- og elevorganisasjonen Laget sin leiar i nord, Jon Harald Flå.

Han er akkurat ferdig med eit arrangement for filipinske studentar i Longyearbyen, der han forventa det skulle møte opp ti personar. Det kom 35.

– Det er veldig oppmuntrande, seier Flå om det som skjer lengst nord i Norge nå.

Vil etablere lokalt lagskontor

Laget og Ungdom i Oppdrag er på turné på Svalbard. Målet er å knytte lokale kontakter som Laget kan ha direkte kontakt med for å nå nye studentar.

På øya er det eit fillipinsk huskyrkjemiljø og Den norske kyrkja, men ingen av dei driv studentarbeid. Flå har prøvd å gi studentane ein smakebit på kva dei kan vente seg dersom Laget får sitt eige lokallag på Svalbard.

Til nå har dei evangelisert, hatt appell på gospelnight i Den norske kyrkja og arrangert vaffelkveld, i tillegg til møtet med dei fillipinske huskyrkjemiljøet.

– Kva har vore høgdepunktet på Svalbard?

– Kontakten og venskapa med unge kristne og studentar som brenn for at Jesus skal bli trudd, elska og etterfølgd på Svalbard. Me har også brukt mye tid i bønn for øysamfunnet.

Medan teamet frå Ungdom i Oppdrag driv med gateevangelisering prøver Flå å knytte kontaktar inn i studentmiljøet, folkehøgskulen, kristne husgrupper og Den norske kyrkja.

– Me kan samarbeid med mange, sjølv om me ikkje står på same teologiske grunn, seier lagsleiaren.

– Her driv me brubyggjande arbeid.

Han ønskjer å knytte lokale kontaktar som Laget kan ha direkte kontakt med for å nå nye studenter.

Ingen møtte opp

Så langt har responsen vore blanda.

Flå er til dømes nøgd med samarbeidet med Den norske kyrkja. 13. februar delte Laget og UiO evangeliet under ein gospelnight i Den norske kyrkja.

Den KFUK-KFUM-eigde folkehøgskulen har dei derimot ikkje fått til eit samarbeid med.

Grill ein kristen på Universitetet, der studentar kunne stille spørsmål om kristen tru, var også ein nedtur. Ingen møtte opp.

Vil etablere verdens nordligste kristne studentlag

– Me bomma litt på tidspunktet. Studentane hadde obligatorisk undervisning og eksamen neste veke, seier Flå.

Men han har ikkje mista motet.

– Det som har brent seg fast i meg er at kvar einaste ungdom og student er umisteleg for Gud og fortapt utan Jesus, seier han.

Blei rørt av lokale ungdommar

Kallstankegangen motiverer 26-åringen.

I 2018 flytta han frå kristenbobla i Sandnes til Tromsø. I to år var han røyrleggjar på dagtid og dreiv med frivillig ungdoms- og leirarbeid på kveldstid, før han begynte å arbeide i Laget.

Etter å ha blitt fengslet og torturert for sin tro, ble han rekefisker på Svalbard

– Eg kunne ta med kontakten eg allereie hadde med ungdommane direkte inn til Laget, med felleskyrkjeleg arbeid, lan-party for ungdom med andakt, leirabeid og mykje meir, seier Flå.

Som teamleiar for Laget har han etablert fleire lokallag, arrangert studentweekend og nyttårsleir for lokale ungdommar.

Første året kom det 20. I fjor var dei 70.

– Det er veldig mange til å vere nordnorsk skala, understrekar lagsleiaren.

Dei er faktisk så mange på leirane at dei har problem med å finne lokaler som er store nok, ifølgje Flå.

– Rørande

Han fortel at det skjer «mykje kjekt» i Nord-Noreg om dagen.

– Me står i ein haust. Me har sett ungdommar som tar imot Jesus. Kyrkjelydane i heile Nord-Norge støttar oss. Dei inviterer til å kome inn på bønevekene deira og set av mykje tid til å be for Laget.

Mest imponert er han over dei kristne ungdommane han har møtt i nord.

– I tal er det ikkje sånn at dei fossar fram, men det er mange modige enkeltungdommar her. Nokon har stått i eit vakuum og blir nødde til å stå opp for Jesus og tar han med seg der dei går. Det er veldig rørande å sjå.

– Det er mange tøffe ungdommar i Nord-Norge, skryt lagsleiaren.