BIBEL: President Donald Trump poserte med ein bibel utanfor St. John´s Church i Washington D. C. på måndag.
Patrick Semansky, AP/NTB scanpix
Krass kritikk mot Trump etter bibelstunt
– Vi treng ein president som kan sameine og lækje. Han har gjort det motsette av dette, seier pastor.
Demonstrasjonane som har bølgja over USA etter at afroamerikanaren George Floyd vart kvelt under kneet til ein kvit politimann, er dei mest omfattande sidan 1968. Den gongen reagerte menneske på drapet på Martin Luther King Jr.
I mellomtida har afroamerikanarar nådd stadig fleire topposisjonar i det amerikanske samfunnet: Statsrådpostar, høgsterett og til og med presidentembetet. Men somme spør seg om endringane stikk så djupt som mange ønskjer å tru. Rundt 13 prosent av befolkninga i USA er afroamerikanarar, ifølgje tal frå US Census Bureau frå 2016.
– For mange av oss er sinne, sorg, frustrasjon og utmatting ikkje respons som kjem og går, men kroniske tilstandar, skriv teologen Dennis R. Edwards i Christianity Today.
