Kritiserte barnevernet i Naustdal - fekk sparken
Får ikkje vere besøksheim lenger.
Stein Mortensbakke og kona får ikkje lenger vere besøksheim for to små born som har vore hos dei seks døgn i månaden det siste halvanna året.
Årsaka er at han kritiserte barnevernet i Naustdal, melder NRK Sogn og Fjordane.
Annonse
I eit brev til rådmann Øyvind Bang-Olsen kritiserte Stein Mortsensbakke kommunen sterkt for handteringa av den omstridde barnevernssaka der eit kristent norsk-rumensk ektepar vart fråteke dei fem borna sine.
Foreldra er tiltalte for såkalla oppdragarvald, men fekk borna tilbake i juni. No har familien valt å flytte til Romania for å kome unna barnevernet.
Mortensbakke var kollega med den rumenske faren og har heile tida argumentert for at det var feil å ta borna ut av heimen.
I eit brev til Mortensbakke skriv barnevernet at «haldningane dine til barn og barnevernstenesta i Naustdal ikkje er i samsvar med at du er tilsett som oppdragstakar hjå oss».
Rådmann Bang-Olsen avviser over for NRK påstanden frå Mortensbakke om at kommunen tek hemn. Mortensbakke vil klage avgjerda inn til fylkesmannen.
Les også:
