SIGNERING: Kronprinsesse Mette-Marit og kronprins Haakon signerte Tingsteinen. I svart kan ein sjå signaturane til dei to føregåande generasjonane i kongefamilien.
Tore Hjalmar Sævik
Kronprinsen kallar kristenretten grunnsteinen for det fellesskapsbaserte samfunnet
Kronprinsparet kasta glans over feiring av tusenårsjubileum for kristenretten på Moster.
Kongeskipet seig inn til Mosterhamn laurdag ettermiddag. Kronprins Haakon Magnus og kronprinsesse Mette-Marit heldt fram til kai med ein sjalupp på den blinkande blå sjøen og vart helsa av hornmusikk og heiarop, born og bunader, vinking og vikingar.
Den kristne vikinggruppa Olavs menn heldt tauet som sikra at vegen var framkommeleg då kongehuset deltok på tusenårsmarkeringa for kristenretten.
Signerte Tingsteinen
