Kyrkjeverja på Jørpeland sluttar
Trond Hjorteland blir kommunikasjonsrådgjevar i Det Norske Misjonsselskap (NMS).
Publisert
Sist oppdatert
Trond Hjorteland er kyrkjeverje i Strand kirkelige fellesråd der også Jørpeland kyrkje er inkludert. Ein opprivande personalkonflikt har prega arbeidsmiljøet i kyrkjelyden, og Dagen skreiv om situasjonen seinast på onsdag.
Hjorteland vender tilbake til Det Norske Misjonsselskap (NMS), organisasjonen han høyrde til då han i fem år var misjonær i Kamerun. No går han inn i stillinga som kommunikasjonsrådgjevar i NMS.
Annonse
– Dette medfører at eg nok kjem til å slutta som kyrkjeverje, ja. Eg er oppfordra om å søkja eit års permisjon. Det er ein moglegheit eg vurderer, seier han.
– Har overgangen noko med personalkonflikten å gjera?
– Nei, dette er ein jobb eg hadde lyst til å søkja. Eg er utdanna journalist, og dette er ei spanande stilling. Og så har eg vore kyrkjeverje i 10 år og er i ferd med å ferdigstilla prosjektet som gjorde at eg hadde lyst inn i stillinga: Nye Tau kyrkje står ferdig til sommaren, seier Hjorteland.
Han legg til at erfaringa frå Kamerun og frå NMS generelt er grunnar til at han gler seg til å gå over i ei ny stilling.
