No har dei fleste biskopane signert abort-oppropet til Menneskeverd

3. desember kan grensa for sjølvbestemt abort bli utvida frå 12 til 18 veker.

Det uroar organisasjonen Menneskeverd, som nyleg starta eit opprop mot lovendringa.

I oppropet heiter det:

– Ein abort i veke 18 liknar meir på ein tidleg fødsel. Mange av dei abortsøkjande kvinnene er ikkje klar over kor velutvikla det aborterte fosteret er. Det er heller ikkje uvanleg at fosteret viser teikn til liv når det kjem ut. 

– Dette er ein vesentleg grunn til at kvar fjerde jordmor i ei undersøking får 2021 sa at dei ville bruke reservasjonsretten, dersom abortlova blei utvida til veke 18.

Over 30.000 signaturar

På under fire døgn etter lanseringa hadde godt over 30 000 personar signert oppropet, ifølgje NTB. Om lag 70 prosent av dei var kvinner.

I februar åtvara biskopane mot å utvide abortgrensa i ei høyringsuttale.

13. november gjekk likevel Therese Egebakken frå Frimodig kyrkje ut i sosiale medium og etterlyste meir engasjement frå biskopane i saka.

Det har ho nå fått.

– Hjelp oss

I løpet av formiddagen 15. november hadde eit stort fleirtal av biskopane slutta seg til oppropet, ifølgje kommunikasjonsrådgjevar Tove Marie Sortland i Stavanger bispedøme.

Stavanger-biskop, Anne Lise Ådnøy, tok initiativ overfor biskopane, til å signere.

– Avgjersla blir teken før jul. Eg ønskjer at biskopane sine stemmer skal telle med, skriv ho i ein SMS til Dagen.

Ho meiner oppropet frå Menneskeverd i hovudsak er i samsvar bispemøtet sitt høyringssvar frå i februar.

– Det er i medeiesamfunnet "lenge" sidan svaret blei gjort offentleg, og underskriftene viser at vi deler uroen for ei utvida grense for sjølvbestemt abort.

Også Borg-biskop Kari Mangrud Alvsvåg har tona flagg i saka.

– Hjelp oss å verne om livet. Eg har signert, skriv ho på Facebook.

Egebakken: – Endeleg

I Stavanger er Therese Egebakken er nøgd.

– Flott at dei endeleg har signert, skriv ho i ein kommentar til Dagen.

– Fram til nå det kun eksistert ei gløymt uttale frå biskopene på kyrkja si nettside, og det er ikkje godt nok i ein situasjon der me risikerer at politikarane snart vedtar å liberalisere abortlova.

– Det stemmelause livet i magen treng biskopane sine stemmer aktivt i denne saka.

Neste gang håper ho at biskopane koplar seg på "raskare og tydelegare". 

– Dei viser dei at dei får det til i mange andre saker på nett og sosiale medier, påpeiker ho.

Signaturane skal leverast til Stortingets helsekomité før stortingsbehandlinga 3. desember.