Norske styresmakter opnar for likekjønna vigsel i Metodistkyrkja

Nyleg fekk den liberale delen av Metodistkyrkja i Noreg eit tilbakeslag.

Det låg an til at det internasjonale trussamfunnet ville la metodistane her til lands utvikle ein ny liturgi for likekjønna par.

Men slik blei det ikkje.

No seier likevel norske styresmakter at dei vil rekne vigslar gjennomført i Metodistkyrkja som gyldige dersom dei følger norsk lov. Arbeidet med ein ny liturgi er alt i gong.

Det melder Vårt Land.

Biskop med lovnad

I fjor bad Metodistkyrkja i Noreg «biskopen om å sette klagesaker mot prester og diakoner som foretar vigsel av likekjønna på vent» inntil vidare. Og nyleg meldte Dagen at den aktuelle biskopen uttalte at kyrkjesamfunnet her til lands snart ville kome til å tillate likekjønna vigsler.

Han fryktar forsamlingar kan bli hindra frå å melde seg ut av Metodistkyrkja

Det til trass for at det nyleg var slått fast at nasjonale kyrkjer, som Metodistkyrkja i Noreg, ikkje fekk avgjere spørsmålet sjølv.

I etterkant av biskopens utsegn sende Ole-Einar Andersen, informasjonsansvarleg i Trondheim metodistkirke, brev til Barne-, ungdoms- og familiedirektoratet (Bufdir).

– Eg ønskte å finne ut om eit ekteskap mellom to av same kjønn ville vere gyldig etter norsk lov, sjølv om vigselsliturgien ikkje er godkjend i Metodistkyrkja si internasjonale kyrkjeordning, seier Andersen til Vårt Land.

Metodistkyrkja har diskutert likekjønna samliv i over 50 år – no kan dei avslutte debatten

Etter berre éin dag fekk han svar.

Bufdir slo fast at det internasjonale kyrkjesamfunnets lære om ekteskapet ikkje er eit hinder. Dersom vigselen skjer i samsvar med norsk lovgiving og likestilingsprinisipper, vil vigselen kunne bli juridisk godkjend.

Metodistkyrkja avgjorde om homofili og om lokale kyrkjer kan melde seg ut

Trur ikkje dei bil kasta ut

Hilde Marie Øgreid Movafagh har ansvar for kyrkjesamfunnet sitt arbeid med liturgiar.

Ho seier til avisa at ho ikkje trur det internasjonale trussamfunnet vil ekskludere Metodistkyrkja i Noreg dersom den skulle komme til å gjennomføre slike vigslar.

– Da måtte ein utestengt mange som allereie har tatt i bruk liknande liturgiar, både i USA og i andre europeiske land, seier ho til Vårt Land.

Metodistkirken er en død sekt

Fredrik (19) vegrer seg for å bli fjerdegenerasjons metodistprest

Samlivssyn skapar uro i Metodistkyrkja – no kan fleire forsamlingar melde seg ut

Den største metodistkyrkja i landet kan melde seg ut