NRK: Benjamin Anda ber om pengar for å slutte i Den norske kyrkja

Det er NRK som melder at soknepresten i Giske og Vigra utanfor Ålesund har vore i forhandlingar med biskopen om si framtid som prest i folkekekyrkja.

Dette går ifølgje NRK fram av eit brev frå biskopen til soknepresten før jul:

«Om vi forstår deg rett er en slik sluttpakke ment å bli oppfattet som en økonomisk kompensasjon for deg ved opplevd belastning gjennom vedtak gjort av Bispemøtet i 2020», heiter det i brevet - ifølgje NRK.

Bispemøtet vedtok dette året at mannlege prestar ikkje kan nekte å samarbeide med kvinnelege kollegaer.

– Djupt kritikkverdig

Benjamin Bjørnsen Anda ønskjer ikkje å kommentere innhaldet i dialogen med biskopen, men er kritisk til at NRK no omtalar dette.

– Eg har ikkje anna kommentar enn at eg synest det er djupt kritikkverdig at brev mellom arbeidstakar og arbeidsgivar vert vidareformidla til pressa, kor det ikkje har noko å gjere og kor saker vert sett ut av sin samanheng, skriv han i ei tekstmelding til NRK.

Heller ikkje overfor Dagen vil Anda kommentere innhaldet i NRK sitt oppslag. I meldingstenesta Messenger skriv han dette:

«Hovudsaka her burde vere at eit brev frå arbeidsgivar til arbeidstakar blir gitt vidare til NRK, med innhald som berører arbeidsforhold som ikkje har noko i pressa å gjere. Slik blir ting tekne ut av kontekst og gjort til noko anna enn det er. Det som NRK no blæs opp høyrer heime mellom arbeidsgivar og arbeidstakar.»

Forholdet mellom Anda og NRK har ei historie, som enda med at statskanalen i fjor haust blei felt i Pressens faglige utvalg (PFU).

NRK felt i PFU i sak om sokneprest: – En dårlig og forvirrende artikkel

Biskop Ingeborg Midttømme vil ikkje kommentere saka, skriv NRK.

Dagen har tidlegare skrive fleire saker om uroa rundt Andas standpunkt i kvinneprestspørsmålet.

Ny uro rundt kvinneprestmotstander på Sunnmøre

Får ikkje innsyn

Det har vore fleire møte og brev mellom biskopen og presten i haust. Møre bispedømme vil ikkje gje innsyn i desse.

NRK har fleire gonger det siste halvåret spurt Anda om han kan stadfeste at han vil samarbeide fullt ut med kvinner. Han har framleis ikkje svart.

Sokneprest mistet forhjulet i fart, rullet inn i bilen til misjonskvinne og havnet i lensmannens hage

Bruun fikk penger

Hausten 2021 slutta Mikael Bruun som sokneprest i Sogndal. Bjørgvin-biskop Halvor Nordhaug stadfesta overfor Vårt Land at avtalen også hadde med penger å gjere.

Då hadde det ei tid vore uro rundt Bruun, som meiner at kvinner ikkje kan gjere presteteneste.

– Vi har inngått ein sluttavtale. Sånne avtalar inneber alltid ein økonomisk bit, sa Nordhaug, som ikkje ville ut med kor stor sluttpakka var.