ABORT: Helsepolitisk talsperson i KrF, Olaug Bollestad, er uroa over nye aborttal blant dei yngste kvinnene og jentene.
Alice Tegle
Nye aborttal: KrF uroa over utviklinga blant unge
– Dei nye tala understrekar kor viktig det er å gi kvinner reelle valmoglegheiter og støtte til å bera fram barnet, seier Olaug Bollestad (KrF).
Aborttala held seg stabile på nasjonalt nivå frå 2023 til 2024, men bak tala skjuler det seg store lokale forskjellar, viser nye tal frå Folkehelseinstituttets Abortregister.
Totalt vart det utført 12.811 abortar i 2024, ein liten nedgang frå 12.837 året før.
I fleire av dei store byane er endringa markant: Bergen opplevde ein nedgang på heile 18 prosent, Stavanger på 10 prosent og Oslo 9 prosent. Samstundes auka aborttala i Trondheim med 9 prosent og Tromsø med 8 prosent.
