Pinseleiar: – Hanvold representerer ikkje Pinserørsla

– Er TV Visjon Norge ein del av Pinserørsla i Noreg?

– Nei. For å vere ein del av pinserørsla må ein slutte seg til eit grunnlagsdokument, og det er veldig klart definert kven som er med og ikkje. Visjon Norge er ikkje, og har aldri vore, medlem av Pinserørsla i Noreg.

– Er Jan Hanvold og Visjon Norge representative for pinsekarismatiske i Noreg?

– Nei. Han vil ikkje vere representativ for Pinserørsla i Noreg slik eg kjenner den, men det pinsekarismatiske landsskapet er mangfaldig.

– Korleis er synet på Visjon Norge i pinserørsla?

– Eg trur det er veldig ulikt. Det er ein del, særleg eldre, som ser på Visjon Norge og likar programma. Samstundes vil det også vere mange yngre som er opptatt av å ta sterk avstand frå det. Det er eit spekter i pinserørsla kring korleis ein oppfattar Visjon Norge.

– Er dei utanlandske forkynnarane som blir invitert på kanalen kjende i pinserørsla?

– Det blir vanskeleg for meg å svare på vegne av alle pinsevener i Noreg, men generelt så er det ikkje kjente personar i ein pinsekarismatisk tradisjon.

– Korleis opplever de i pinserørsla at det igjen og igjen kjem kontroversielle saker om Visjon Norge?

– Sidan vi ikkje har nokon del i det så påverkar det ikkje oss spesielt. Det som er utfordringa er at alle kristne leiarar, organisasjonar og menigheiter er kvarandre sitt omdømme, og i den konteksten opplever vi det som uheldig at det stadig vekk avdekkast saker som er utfordrande.

– Skadar Jan Hanvold pinserørsla sitt omdømme?

– Jan Hanvold er jo ikkje ein pinseven, så eg vil ikkje seie at han skadar omdømet vårt, men eg trur på generelt grunnlag at vi er kvarandre sitt omdømme. Kvar sak som blir avslørt, anten det er hos oss, i den katolske kyrkje eller i Visjon Norge vil vi alle vere skadelidande av.

– Jan Hanvold kallar seg sjølv pinseven. Er det ei belastning?

– Eg har ikkje hørt han uttrykke spesifikt at han er pinseven, så det synes eg at er vanskeleg å svare på. Han tilhøyrer ikkje pinserørsla eller ei forsamling i vår rørsle. I norsk samanheng er han per definisjon ikkje pinseven, men det er ingen beskytta tittel, så om han karakterisere seg som det, må han få lov til det.

– Kva meiner du om Dionny Baez si korona-bøn?

– Vi tenkjer at det tilhøyrer ei form for framgangsteologi som vil vere langt frå pinsekarismatisk teologi, og difor vil ikkje vi støtte ei slik forkynning.

– Så du tar avstand frå det som vart sagt i innslaget?

– Vi tar avstand frå denne typen forkynning, der ein kan kjøpe seg beskyttelse, velsigning, frelse eller helbredelse.

– Er pinseven

Jan Hanvold har ikkje svart på Dagen sine førespurnadar om å kommentere saka.

Måndag kveld skreiv han på sin eigen Facebookside at han reknar seg sjølv som pinseven.

– Som pinseven er eg glad, fordi eg fekk virke med pastor Kjell Haltorp, og virke som evangelist i mange pinsemenigheiter rundt om i Norge. Sjølv om eg føler meg heime med alt Guds folk, skreiv Hanvold måndag kveld.

Dette er Visjon Norge-sjefens internasjonale nettverkJan Hanvold

Ikke vanlig pinsekarismatikk