SKULE: Reidulf Ørjavik, Andreas Grimstad Salbu og Magnus Villanger i skulen si arbeidsgruppe. Til høgre byråd for skule og barnehage i Bergen kommune, Christian Haugen (Frp).
Foto: Gunnhild Lønning
Planlegg å starta kristen barneskule: - Det er stor interesse for ein slik skule her
Ei gruppe eldsjeler har gått saman om å oppretta ein kristen barneskule i Åsane bydel i Bergen. Byrådet stiller seg positivt til forslaget.
Åsane har i dag eit kristent barnehagetilbod, men det finst førebels ingen tilsvarande grunnskule for familiar som ynskjer at det kristne verdigrunnlaget skal følgja borna vidare i skulegangen.
- Me har opplevd at fleire går rundt og ber på draumen om at borna deira skal ha eit tilbod etter barnehagetida, der trusopplæringa i heimen går hand i hand med verdigrunnlaget på skulen, seier Magnus Villanger.
Han er styreleiar i arbeidsgruppa for det som kan bli Åsane Kristne Skole.
