SØR-KOREA: Sverre Tofte er til vanleg studentprest for norske studentar i Vest-Europa, men er no sendt til Seoul for å hjelpe til etter halloween-tragedien der 156 menneske omkom.
Privat
Prest gir krisehjelp etter Halloween-tragedie: – Dei kjenner at det kunne vore dei
– Verda blir snudd litt på hovudet når noko slik skjer, ikkje minst når du er i utlandet, seier studentprest for norske studentar i Vest-Europa, Sverre Tofte.
Det er bekrefta 156 døde etter det oppstod trengsel under ei halloween-feiring i eit travelt utelivsdistrikt i den sørkoreanske hovudstaden Seoul i helga, ifølge NTB.
Ein av dei var den norske studenten Stine Roalkvam Evensen (20) frå Sandnes.
Sjømannskyrkja har ingen fast base i landet, men har sendt ned to studentprestar og éin diakon for å hjelpe til i situasjonen.
