Prest klager inn lokalavisa si til PFU
Då redaktøren i lokalavisa drog fram mobilen frå lomma, bad presten om å ikkje få bilete av seg i avisa. Han blei likevel ikkje bønnhøyrd.
Publisert
No tek prest Toralf Veum Ladstein saka til Pressens faglege utval.
«Eg vart overraska av at sjølvaste redaktøren stakk eit (mobil) kamera opp og tok bilete utan å spørre meg», skriv han i klagen.
Annonse
Klaga er retta mot Øyposten, lokalavisa til Veum Ladstein.
Han er sokneprest i Suldal i Rogaland.
Stod og venta på båten
Hendinga skal ha skjedd torsdag 9. november i fjor.
«Eg stod på kaien og venta på båten. Pendlarforeininga stod og verva medlemmer, og eg såg øyposten var på plass. Håkon Eide frå pendlarforeininga gav meg ein flygesetel», skriv han i klagen.
Då redaktøren trakk fram mobilen for å dokument det heile, reagerte presten
Han ønsker nemleg ikkje å bli assosiert med noka politisk sak ettersom han er sokneprest.
«Eg gav ikkje på noko tidspunkt tillatelse til bruk av bilete», skriv han.
Annonse
Redaktøren svarer
Sigbjørn Høidalen er ansvarleg redaktør i Øyposten.
Han skriv i sitt tilsvar at han var på kaia for å lage ei reportasje om den lokale pendlarforeininga. Bakgrunnen var ein politisk kamp om hurtigbåttilbodet i bygda hadde oppstått.
Han erkjenner at presten «ikkje var veldig ivrig etter å ha bilde av seg i avisa».
Samtidig opplevde han inga kategorisk avvisning. Då båten til Veum Ladstein gjekk kort tid etter bilete vart knipsa, blei det lite tid til forhandlingar.
«Sidan dette var ein heilt harmlaus setting, som eg opplevde det, og at det var relevant for saka å fortelje om ein pendlar som bur på Finnøy og er avhengig av hurtigbåten til og frå jobb i Suldal, så valde eg å trykkje bildet», skriv han.
Behandlar saka onsdag
Pressens faglege utval skal ta stilling til saka onsdag.
Annonse
Det er eit norsk organ som arbeider med etiske spørsmål knytt til pressen og media.
PFU vurderer klager frå enkeltpersonar eller grupper som meiner seg urettferdig behandla av pressen, og gir fråsegn om pressen har brote god presseskikk.
Desse fråsegna er ikkje juridisk bindande, men dei har stor påverknad på media og blir brukt som et etisk vegkart for journalistisk praksis i Noreg.
