Professor: Meir opning for gudstru i filosofien

Frå den gamle villaen i Fjellveien har Gunnar Skirbekk (84) og kona spektakulær utsikt over Bergen sentrum, byfjorden og Askøy.

– Det er ei gåve, sjølv om gamle hus og gamle folk ikkje er ein enkel kombinasjon, seier den erfarne filosofen med eit smil.

Framleis steller den emeritterte professoren ved Universitetet i Bergen den romslege hagen. Han er heller ikkje ferdig med å undersøkje kva det moderne er og spørje korleis mennesket kan ha best mogleg rotfeste og gode vekstvilkår i dette tilveret.