Ropstad: NRK-spørsmålet er ikkje eit stort problem

Tidlegare i dag melde Dagen om NRK Super-appen Svar-o-meter som sendte spørsmål til titals tusen born i Noreg om kva seksuell legning dei har.

To-barnsfaren Harald Høidahl reagerte sterkt på spørsmålet borna hans fekk opp på mobilane sine i dag tidleg.

– Eg vil ikkje at NRK skal stille borna mine det spørsmålet når dei er sju og ni år. Det vil eg som far gjere, sa Høidahl om spørsmålet.

Ropstad er avslappa

Barne- og familieminister Kjell Ingolf Ropstad meiner ikkje at det er eit stort problem, men oppfordrar foreldre til å snakke med borna om temaet.

– Eg synest ikkje dette spørsmålet er eit stort problem, men om born vert usikre av temaet er det viktig at foreldre følgjer opp og snakkar med borna sine om seksualitet, skriv Ropstad i ein e-post til Dagen.

Ropstad meiner at det er viktig å snakke om temaet med vaksne, og ikkje berre på internett.

– Dette er ein tematikk som ikkje er best å ta opp gjennom ei spørjeundersøking til born, men gjennom gode samtalar med trygge foreldre og andre vaksne, meiner Ropstad.

Barne- og familieministeren oppmodar foreldre om å ta del i borna sine digitale liv.

– Det er også viktig at foreldre engasjerer seg i borna sin digitale kvardag. Borna treng trygge vaksne å snakke med om det dei les på nettet, avsluttar Ropstad.