OFFER: Politi og lokalbefolkning bar lik etter svoltmassakren i landsbyen Shakahola, nær kystbyen Malindi, sør i Kenya, i april.
AP/NTB
Sekt forboden etter at 427 svalt seg til døde
Styresmaktene i Kenya har også stengt fire andre rørsler for å verne borgarar mot religiøs ekstremisme.
I mai vart det kjent at rundt 200 menneske var sakna. Det vart knytt til arrestasjonen av forkynnaren Paul Nthenge Mackenzie som har drive organisasjonen Good New International Minstries sidan 2003.
Han skal ha oppmoda tilhengjarar til å faste seg til døde for å kome fortare til himmelen. Dei som lystra, vart raskt gravlagde i grunne graver i den store Shakahola-skogen ved kysten.
Denne månaden er det blitt kjent at dødstala frå det som vart kalla Skakahola-massakren, har nådd 427. Det melder Religion News Service.
