FRIARFERD: F.v. KrF-leiar Kjell Ingolf Ropstad rekker ut handa til Sp-leiar Trygve Slagsvold Vedum.
Lise Åserud, NTB scanpix
Senterpartiet ber KrF nærme seg dei
Draumen om eit sterkt politisk sentrum lever framleis i KrF og Sp. Men det kan ta lang tid før dei finn saman, meiner valforskar.
Med Framstegspartiet ute av regjeringa, er KrF i gong med å vekke opp att draumen om å styrke sentrum av norsk politikk.
Men - her må ein ha eit langtidsperspektiv, ifølgje valforskar Johannes Bergh ved Institutt for samfunnsforsking.
– Det er kanskje meir realistisk at det kan utvikle seg eit samarbeid blant sentrumspartia på lokalt nivå rundt i landet, som ein gong i framtida kan vere aktuelt på nasjonalt nivå, seier Bergh.
