Slik skaper Ivo (27) gode samtalar med menneske ho er ueinig med: – Eg har éin regel eg alltid følgjer
I podkasten Hvorfor det? er Ivo Vatnar Eikjes mål å stille spørsmåla ein vanlegvis ikkje tørr spørje. No er podkasten nominert til Tro & Mediers Medierosen.
Publisert
Sist oppdatert
Berre i juni hadde den 47 000 nedlastingar og 25 000 unike lyttarar.
I augneblinken ligg den på sekstiåttandeplass på Podtoppen. Øvst finn vi, til samanlikning, NRK sin podkast Oppdatert med 313 678 nedlastingar.
Annonse
Det er prosjektleiaren i den ideelle organisasjonen Menneskeverd, Ingrid Ivo Vatnar Eikje (27), som til vanleg blir kalla Ivo, som er podkastvert.
No er podkasten også nominert til Medierosen 2022, ein pris som Tro & Medier deler ut hvert år.
«Med podkastserien Hvorfor det? skaper Ivo mange gode samtaler, også med mennesker hun er uenig med. Hun kommer nærmere menneskene, bak meningene, lager et rom for forståelse og dialog med innestemme», heiter det i nominasjonen.
Dumme spørsmål
Vatnar Eikje trur mange er redde for å bli oppfatta som dum, og ikkje spør om det dei eigentleg lurar på.
Difor ønskjer ho å stille spørsmål som eit barn.
– Når eg har blitt eldre merkar eg det har vorte viktigare å bli oppfatta som intelligent, smart og oppdatert, seier 27-åringen.
I podkasten opnar gjestane seg opp. Ho trur nøkkelen til ærlege samtalar, er ei oppriktig vitelyst.
Annonse
– Det er ei skam om vi ikkje grev etter gullet i andre menneske, seier ho.
Totalt har Hvorfor det? 209 000 nedlastingar og 121 000 unike lyttarar.
NOKAS-ranaren: Schumann
Vatnar Eikje trekker fram fleire høgdepunkt, mellom anna Danby Choi og Jon Almås.
Kunne ho valt kven som helst, hadde det vore Hans Majestet Kongen.
– Helst ville eg spurt om kva han hadde skrive i sin eigen nekrolog.
Likevel meiner podkastverten det mest spesielle intervjuet var med NOKAS-ranaren Kjell Alrich Schumann.
Han skaut og drap politimannen Arve Sigve Klungland under ranet.
Annonse
Vatnar Eikje fekk Schuman til å opna seg om hendinga.
– Han har nok nesten aldri snakka så ærleg om noko så brutalt før, seier ho.
Viktig å kjenne på ubehaget
I intervjua hennar ønskjer Vatnar Eikje å koma på djupet.
Det meiner ho krev at ein lyttar til kva personen faktisk seier, framfor å følgja eit bestemt program.
Difor har ho éin regel som ho alltid følgjer:
– Eg skal kjenne på ubehaget. Om eg ikkje gjer det, er ikkje samtalen viktig nok.
Ifølgje Vatnar Eikje er det vanskelege å snakke om, ofte det viktige.
Annonse
Likevel er det er ikkje sjølve spørsmåla, men stilla som kjem etterpå, som er det mest krevjande.
– Eg har fått tilbakemelding om at eg greier noko veldig få andre greier: Nemleg å halde kjeft.
Dette fekk ho oppleve i intervjuet med Schumann.
– Det er klart at å stå i stilla etter eg spurte Schumann om han har tilgitt seg sjølv for å ha drepe ein politimann, er ubehageleg, men det er også heilt nødvendig.
Her kan du lytte til podkasten:
