Sverige: Liberal erkebiskop vil halda på konservative prestar

60-åringen fekk 59 prosent av røystene i bispevalet. Han tek over etter Antje Jackelén, som har vore erkebiskop i den svenske folkekyrkja sidan 2014.

I eit intervju med Svenska kyrkan omtalar Modéus den siste tida som krevjande:

– Prosessen har vore ganske slitsam, så det kjennest veldig godt at den er over.

Teologisk profil

På spørsmål frå svenske Dagen om Jesus verkeleg gjekk på vatnet, svarer teologidoktoren at det ikkje er avgjerande for trua. Likevel trur han på det.

Modéus vil heller ikkje peike på éi favorittbok i Bibelen:

– Når det gjeld Bibelen, er det heilskapen som er viktig for meg.

Til same avis seier biskopen han ønskjer at alle prestar ein dag vil vigsle likekjønna par.

Likevel vil ikkje Modéus sette nokon stoppar for dei som nektar.

– Eg trur ikkje på forbodsvegar, seier han.

Blanda kjensler

Valvinnaren kjenner seg «fortumla» og understrekar at det er det best beskrivande ordet. Beskjeden fekk han når han sat på kontoret.

Han vedgår likevel at det gjev blanda kjensler å forlata staden han har tenestegjort dei siste elleve åra:

– Det er ei sorg å forlate Linköping stift, seier han på pressekonferansen.

Modeus blir innsett i tenesta 4. desember.