Thor Haavik med i ny podkast. Argumenterer for at Jesus stod opp igjen
– Den kristne trua er ikkje berre er ein filosofi, men bygger på historiske hendingar, seier mediegründer Kjetil Fyllingen, som også er med i podkasten.
Publisert
Sist oppdatert
I 2019 skreiv Thor Haavik masteroppgåva si om Jesu oppstode.
I fjor vart den grunnlaget for ein tv-serie om temaet.
Annonse
No blir avhandlinga utgangspunktet for ein ny podkastserie.
Målet er å gå djupare inn i tematikken.
Sentrum av kristen tru
I podkasten møter vi mediegründer, Kjetil Fyllingen, førsteamanuensis, Lars Dahle og kjendisprest, Thor Haavik.
Gjennom ti episodar vil dei argumentere for kvifor det er historisk truverdig at Jesus faktisk stod opp igjen frå dei døde.
– Ettersom den kristne trua ikkje berre er ein filosofi, men bygger på historiske hendingar, lar den seg undersøke og grunngje, seier Kjetil Fyllingen.
Han jobbar for Tro og medier som saman med Damaris Noreg står bak podkasten.
– Målet er å hjelpe kristne til å forstå kvifor det dei trur på er truverdig, og å la dei som er nysgjerrige på kristen tru grave endå litt djupare, seier han.
Annonse
Lars Dahle er førsteamanuensis i teologi ved NLA Høgskolen og har forska på trusforsvar.
Han meiner kristendommen har eit unikt trekk.
– Den inviterer ikkje til å berre tru blindt, men til å la trua gjennomgå prøvingar, seier han.
– Har det noko for seg å bevise det ein skal tru på?
– Å matematisk bevise at Jesus stod opp igjen frå dei døde lar seg ikkje gjere, men ein kan sannsynleggjere det. Det forsøker vi å formidle på ein populærvitskapleg måte i podkasten, seier han.
Podkastserien finn du her:
