To nye metodistkyrkjer vurderer utmelding etter homovedtak

«Vi er ein vital metodistkyrkjelyd for alle generasjonar midt i Flekkefjord by, med et ønske om å vere ein relasjonsbyggende kyrkjelyd med Jesus i hjarte», skriv Metodistkjyrka Flekkfjord på sine heimesider.

Kyrkjelyden er ein av dei leiande kyrkjene i Metodistkyrkja i Noreg.

Men snart kan det vera slutt.

Kan ta med det dei eig og dra

Då Metodistyrkja i sommar opna for likekjønna vigsel, ga dei også konservative kyrkjelyder sjansen til å forlate trussamfunnet.

Dei skulle få med seg alt dei eigde, dersom dei fekk to tredjedels flertall.

Hvittingfoss metodistkyrkje og Hammerfest metodistkyrkje har alt meld overgang til Pinserørsla.

30. oktober skal Flekkefjord stemma over om dei skal bli verande eller gå inn i Misjonskyrkja i Noreg.

Dette er ein av dei store metodistkyrkjelydane i Noreg med bortimot 170 personar på sine fleiregenerasjonsgudstenester.

Vil inn i Misjonskyrkja

Kyrkjelyden har hatt tre møter med informasjon og moglegheit for deltakarane til å stille spørsmål rundt den kommande avstemminga.

Første møtet i september handla om endringane i Metodistkyrkja internasjonalt og nasjonalt.

På det andre møtet i oktober hadde kyrkjelyden besøk av biskopen i Metodistkyrkja Noreg og to tilsynsprestar.

Dei tilråda kyrkjelyden å bli verande.

I det tredje møtet tilrådde kyrkjelydsråd å gå inn i MIsjonskyrkja i Noreg, etter å ha vore i samtale med fleire ulike kyrkjesamfunn.

– Sårt

Prest Einar Christian Drange i Flekkefjord metodistkyrkje støttar tilrådinga frå kyrkjelydsrådet.

– Metodistkyrkja og Misjonskyrkja er begge vekkingsrørsler med fokus på kyrkjeplanting og misjon. I Misjonskyrkja får me drive kyrkjelyd som før, med det same arbeidet og fokuset. I tillegg får me eit større nettverk lokalt av andre misjonskyrkjer.

– Dette vil være med å styrke satsningen vår på alle generasjoner, seier han til Dagen.

– Kva risiko ser du ved å gå ut av Metodistkyrkja?

–.At me går frå noko me er vane med. Samtidig må me ikkje endre noko i eigen kyrkjelyd ved å gå inn i Misjonskyrkja, understrekar han.

I den innleiande spørjeundersøkinga til kyrkjelyden var det 13 personar som støtta endringane frå Metodistkyrkja sentralt.

– I kva grad splittar synet på utmelding medlemmar?

– Eg har ikkje opplevd splitting så langt, men for dei som er veldig samde i det Metodistkyrkja ønskjer, er det så klart sårt, seier Drange.

Han fryktar utmeldingar, uansett kva utfallet blir den 30. oktober, men understrekar at han vil vera ein prest for alle.

Vil inn i pinserørsla

I nabofylket Rogaland, vurderer Egersund metodistkyrkjelyd utmelding.

Pastor Victor Kwasi Sekyere forklarer kvifor:

– Kyrkjelyden ønskjer å stå fast på Guds ord og vil halde fram med verdiane kyrkja vår alltid har hatt, seier han til Dagen.

Etter samtalar med Misjonskyrkja Norge og pinserørsla, tilrår kyrkjelydsrådet å slutte seg til pinsevenene.

– Det ser ut til at pinserørsla gir dei mest rom for å vera den kyrkjelyden dei er og alltid har vore, seier Sekyere.

– Ikkje lett

Egersund Metodistkyrkje blei grunnlagd for 135 år sidan.

I dag har dei fleste av dei 75 medlemmane innvandrarbakgrunn, ifølgje pastoren.

– Folk i kyrkjelyden kjem frå ein tradisjonell, konservativ bakgrunn i sine respektive heimland. Eg trur dei fleste her vil melde seg ut, men det er berre mitt inntrykk. Sanninga får vi på avstemminga 9. november.

Fleire i kyrkjelyden synes det er vanskeleg å forlate trussamfunnet UMC.

– Det har vore viktige diskusjonar knytt til om det er rett med utmelding, seier Sekeye.

Likevel opplever han at det er stor semje i kyrkjelyden om å vera «tru mot Bibelen».

Sjølv om kyrkjelyden hans stemmer for utmelding 9. november vil Sekeyere bli verande som pastor i Metodistkyrkja.

– Eg står for eit tradisjonelt bibelsyn og vil bli del av eit nettverk internt i Metodistkyrkja, for dei som har eit tradisjonelt bibelsyn knytt til seksualitet, seier han.

Må godkjennast sentralt

Eventuelle utmeldingar frå dei to kyrkjelydane må godkjennast sentralt i ein ekstraordinær årskonferanse 21. januar.

For at det skal skje må det vera eit alminneleg fleirtal for utmelding.

Metodistkyrkjene i Hammerfest og Hvittingfoss har allereie fått sine utmeldingar godkjende.