Illustrasjonsfoto: Harald Groven/CC/Flickr
Tomme bedehus til sals
Landet rundt er tomme bedehus til sals. Verdien vert styrt av plasseringa til tomta, for sjølve bygga er ofte lite haldne ved like.
På 1970-talet var det aktivitet i over 3.000 i landet, no er talet om lag halvparten. Dei tomme bedehusa er til sals mange stader i landet, skriv Aftenposten.
– Bedehusa vart bygde på dugnad før bilen, ofte enkelt innreidd med eit kjøken, ein stor og ein liten sal. I dag krev sjølv det nøkterne bedehusfolket betre standard, med internett og god parkering, seier Olav Aagedal, forskar med doktorgrad i bedehuskulturen.
Eigedomsmeklar Jan Terje Øygarden i Estate Meglerhuset Arendal seier til avisa at det er tomta som betyr noko fordi bygga er dårleg eigna til andre føremål og er dårleg haldne ved like.
