Tryggheim auka inntektene med 15,3 millionar i fjor
Friskulen gjekk frå 2,8 millionar i minus til 2,8 millionar i pluss på eitt år.
Publisert
Sist oppdatert
Driftsinntektene, som var på 135 millionar kroner i 2022, auka til 150,3 millionar kroner i fjor, ifølgje Tryggheim skular sitt ferske årsrekneskap i Brønnøysund.
Det melder Jærbladet.
Annonse
Driftsresultatet, som i 2022 var på minus 2,8 millionar kroner enda med 2,8 millionar på plussida i 2023.
Pessimismen råda
Då Dagen besøkte Tryggheim vidaregåande skule i desember i fjor frykta elevar nedlegging. Økonomisjef Eivind Svensen måtte utsette investeringar og vedlikehald for over fem millioner kroner.
Pandemi, dyrtid og politiske endringar fekk skulda.
– Tryggheim skular er under eit «veldig press», sa økonomisjefen til Dagen den gong.
Gjekk frå minus til pluss
Hausten 2023 starta rekordmange, heile 552 elevar på Tryggheim vidaregåande skule, noko som var opp 22 elevar frå førre skuleår.
Samtidig var «Tryggheim 2030» under oppsegling.
Annonse
«Tryggheim 2030» er eit oppgraderingsprosjekt i 100-millionarsklassen for skulen på Nærbø.
I den samanheng starta dei innsamlingsaksjonen Heimkjær.
Men det er auken i elevtalet som får æra for å ha snudd minus til pluss i året som gjekk.
– Det er også noko auke i elevbetaling, både for skule og internat. Vi hadde 13,5 fleire internatelevar i snitt for 2023 samanlikna med året før, opplyser rektor Gjermund Viste til Jærbladet.
