Ungdom i oppdrag får éin million kroner av kommune: – Me vil gi noko som monnar
Stavanger kommune tener feitt på Ukraina-krigen. No vil politikarane gi noko tilbake.
Publisert
Sist oppdatert
– Me ville gi noko som munnar, seier varaordførar, Henrik Halleland (KrF).
Han sit i formannskapet i Stavanger kommune, som einstemmig vedtok ein støttepakke til Ukraina på 1,3 millionar kroner, den 25. april.
Annonse
Blant mottakarane er Ungdom i Oppdrag Noreg sitt arbeid i Ukraina.
Tok med politikarane til Ukraina
Vedtaket kjem i kjølvatnet av turen som Halleland hadde til Ukraina i mars, saman med Tormod Losnedal (H) og Dag Mossige (Ap), frå Stavanger bystyre.
Undervegs på turen måtte Stavanger-politikarane søke tilflukt frå russiske rakettar i eit bomberom i Kyiv.
– Det er noko med det å kjenne krigen på kroppen, seier Halleland.
– Ukraina held grensa til Vesten, dei nå. Stavanger kommune kan bidra, ikkje med kuler og krut, med ved å gi pengar, så dei kan halde fram med liva sine i desse områda og forsvaret landet.
Hus til heimlause
I Ukraina var Stavanger-politikarane i kontakt YWAM Aust-Europa, eller Ungdom i oppdrag (UIO) på norsk.
Annonse
UIO har bygd opp eit senter i Kyiv, som organiserer firvillig hjelpearbeid, saman med lokale kyrkjelyder. Dei frivillige er mellom anna med å sette opp mikrohus, med seng og skikkelege sanitærforhold, til ukrainarar som er blitt heimlause etter krigen.
Kvart hus kostar 40.000 kroner.
Stavanger kommune har vedteke å gi 1 million kroner til dette husbygjingsprosjektet.
Dei resterande 300.000 kronene, av Ukraina-hjelpepakken, går til eit offentleg transportprosjekt knytt til evakuering i byen Marganets.
– Berre lommerusk?
Stavanger-pengane kjem, ironisk nok, frå Ukraina-krigen.
Konsekvensane av krigføringa pressa opp gassprisane i 2022.
– Når olje- og gassprisen er høg går det bra i Stavanger, seier Halleland.
Annonse
– Næringslivet her fekk veldig mykje større inntekter etter at krigen braut ut. Me som kommune tente meir. Samtidig kom krigen veldig nært, det var i Europa, og då tenkte me at «her må me gi noko».
– 2,3 millionar er berre lommerusk, samanlikna med summane kommunen har tent på krigen, vil nokon innvende?
– Ja, men eit småhus kostar berre 40.000, og du får ganske mange småhus for ein million, så får me sjå om me skal bidra med meir etter kvart. Eg er einig i at den store samanheng betyr ikkje to millionar så mykje, men for dei som får tilbake seng, tak over hovudet og gode sanitære forhold, betyr det ganske mykje.
