Vårt Land sluttar med forlag
– Forlagsdrifta var ikkje økonomisk bærekraftig, seier sjefsredaktør i Vårt Land, Bjørn Kristoffer Bore.
Forlaget har hatt som mål å gje ut kvalitetsbøker om tru, tanke og eksistens. Katalogen inneheld bøker av oslobiskop Kari Veiteberg, KrF-politikar Erik Lunde og pastoren Tomas Sjödin, men no er det slutt.
– Det er utfordrande å drive eit sakprosaorientert kristent forlag, forklarar sjefsredaktøren til vl.no.
Annonse
Bore understrekar at forlaget har vore viktig for Vårt Land og at han har vore svært fornøgd med bøkene som er gjevne ut på forlaget.
