Nei: Indremisjonsforbundet seier framleis nei til kvinnelege eldste, med same grunngjeving som tidlegare. Bildet er frå ei leiarsamling i 2019.
Dagen-arkiv
Ikkje kome til ny innsikt – står fast
Ein skal ikkje endra standpunkt i åndelege og læremessige spørsmål fordi andre gjer det, eller ved å visa til at det er ulike oppfatningar av saka. Ein skal berre endra standpunkt om ein kjem til ny innsikt i Guds ord.
«Lære- og tilsynsrådet har gjennom denne prosessen ikke kommet til ny innsikt i det spørsmålet, vi står derfor fast på gjeldende veiledning om menn og kvinners tjeneste og anbefalingen om eldstetjenesten.»
Slik lyder hovudkonklusjonen frå ImFs lære- og tilsynsråd etter at rådet har behandla saka om innføring av kvinnelege eldste i Emblem bedehusforsamling. Det er eit konsistent, og eit svært presis og klokt, vedtak. ImF seier med det framleis nei til kvinnelege eldste, og då med same grunngjevinga som tidlegare.
Rådet held fast på gjeldande rettleiing fordi dei «ikke har kommet til ny innsikt i spørsmålet». Det er rette haldninga og rette argumentasjonen. Ein skal ikkje endra standpunkt i åndelege og læremessige spørsmål fordi andre gjer det, eller ved å visa til at det er ulike oppfatningar av saka. Ein skal berre endra standpunkt om ein kjem til ny innsikt i Guds ord. Det er grunn til å gje honnør til det åndelege leiarskapet i ImF for denne måten å tenkja og argumentera på, og det er til lærdom og etterfylging for oss andre.
