RUNER: I Norden og England finn ein runer på minnesteinar og i Noreg i seinare tid òg i stavkyrkjene. Denne steinen finn me i Sverige.
Magnus Binnerstam, Adobe Stock
Vil ha gamle runer fram i lyset
Runer vart brukt som skriftspråk i skandinaviske land i fleire hundre år før vi tok i bruk det latinske alfabetet. Det er vanskeleg å trekke fram berre ein ting når ein skal seie kva som er fascinerande med runene, meiner runeentusiast Dag-Rune Linnerud.
– Det er ei heil pakke med norrøn mytologi, gudetru, arkeologi, språk og språkforsking, seier Dag-Rune Linnerud.
Han har lenge vore fascinert av runeskrifta, korleis ho vart brukt, og samtida runene eksisterte i.
Ifølge norrøn mytologi var det guden Odin som fekk openberra runene da han hang i Yggdrasil i ni dagar og netter, gjennombora av sitt eige spyd. Odin var både krigsgud, og gud for visdom, trolldom (seid) og dikting.
