KRIK: Maria Kråkenes, Eirik Tobiassen, Ingrid Brekke Skrindo og Marte Sofie Rossavik går på KRIK-linja på Nordfjord folkehøgskule.
Kari Fure
På denne skulen kan elevane snakke om tru når dei vil
– Fellesskapet gir noko av overbygninga som ein kan kjenne at ein manglar i et individorientert samfunn, seier rektor Hildegunn Gjesdal Tennebø.
Artikkelen vart fyrst publisert i oktober 2022.
130 elevar vandrar i lang, lang rekke nedover Aurlandsdalen. Midt i rekka går Ingrid (19) og kjenner at ho er glad.
Elevane ved Nordfjord folkehøgskule er på fellestur på Hardangervidda. Dei har gått frå Finse til Geiteryggen. Den siste dagen går dei ned den ville, vakre Aurlandsdalen.
