KJÆRLEIKEN: Musikar og skribent Kristine Hovda slapp sitt fjerde album i Palmehelga. Strektegninger handlar om kva som skjer når to menneske møtast.
Helene Reite Uglem
Releasekonsert på soverommet: – Eg vil vere autentisk
Musikaren og forfattaren bak suksessen «Jeg lever ikke lenger selv» la Gud på hylla. No er Kristine Hovda (41) aktuell med sitt fjerde album. Det mest personlege så langt.
I 2019 gav ho ut boka «Jeg lever ikke lenger selv» som skildrar oppveksten i eit frikyrkjeleg miljø på Jæren. Ungdomstida var prega av frykt for helvete. Livet handla ikkje om henne. Tvert imot.
Den trua er eit avslutta kapittel. «Destruktiv» kallar ho den i dag. Ho måtte velje mellom Gud og mental helse, seier ho. Hovda valde helsa.
Det har ho aldri angra på.
