Arne Helge Teigen og Bill Johnson
«Det handlar om tru verksam i kjærleik. Nådegåvene er ulike, men Anden er den same. Me tvilar ikkje på Jesu person. Men spørsmålet er om du og eg trur det som han seier at me kan gjera i hans namn.»
Svar (og spørsmål) til Arne Helge Teigen sitt innlegg: Tid for oppgjør med Bill Johnson.
Er Bill Johnson ein vranglærar eller er han ein salva person sendt oss av Gud?
Annonse
Kva er eventuelt feil ved det Bill Johnsen seier og gjer? Er hans eigne ord om kva han meiner om Jesus valide nok? Eller er det ein norsk teolog, som avgjer dette? Arne Helge Teigen seier: «Bill Johnsen reduserer Jesus ved å se bort fra hans guddommlighet.»
Lat oss sjå kva Bill Johnson svarte då han vart spurt om dette på Twitter:
@billjohnsonBJM I have a serious question. I have read that you have denied the full deity of Christ while on earth. Is this true? Want...
@jakum77 No, I don't believe that. Jesus Christ is eternally God. Always has been, always will be. There's another hurtful rumor. (Her lenker han til en nettside som nå er fjernet, red.anm)
Oversett tyder dette: Eg har eit spørsmål. Eg har lest at du har fornekta at Jesus var fullt ut guddom då han vandra på jorda. Er det sant?
Johnson svarar: Nei, eg trur at Jesus Kristus er evig Gud. Alltid har han vore det og alltid vil han vera det. Dette er endå eit sårande rykte.
Dette vel Teigen å sjå bort i frå, for han meiner Johnson ikkje er tydeleg nok!
Det neste ankepunktet til Teigen er at Bill Johnson seier at Jesus vart salva av Gud til teneste og ikkje gjorde gjerningane sin ut frå sin guddommelege natur.
Annonse
Kva seier Bibelen om dette? i Apgj. 10,37-38: Ѓcdet Ordet kjenner de:Ѓc.
«Korleis Gud salva Jesus frå Nasaret med Den Heilage Ande og med kraft. Han som gjekk ikring og gjorde vel og lækte alle dei som var undertrykt av Djevelen.» Her er Bill Johnson og Bibelen samde.
Vidare står det i Fil 2,6-7: «Han som var i Guds skapnad, heldt det ikkje for eit røva gode å vera Gud lik, men han uttømte seg sjølv, og tok på seg ein tenars skapnad og kom i menneske si likning.»
Kva tenkjer Teigen desse orda tyder, viss ikkje det stør Bill Johnson sitt syn i høve til at Jesus gav opp rettane som den guddommelege naturen gav han på jorda?
Kva er Teigen sitt problem i høve til at Bill Johnson profeterer om ein Elias-generasjon som vil ha ei særskilt åndeleg utrustning?
Er dette feil? Kva er problemet med ein manns profetiar? Bibelen oppmuntrar oss til å tala profetisk. Vidare står det at me skal prøva profetiane på Guds ord og Den Heilage Ande. Sanksjonerer det eller ikkje? Skrifta seier: «Ved to eller tre manns vitne skal ei sak stå fast!» (Mat. 18,16) Korleis avsløra om profetiar er falske eller sanne? Ved å sjå om det dei seier skjer eller ikkje!
Eg vil vidare sitera det som står Joel 3, 1-2: «Deretter skal det henda at Eg skal ausa ut min Ande over alt kjøt. Søner og døtre skal profetera, dykkar gamle menn skal ha draumar, og dykkar unge menn skal ha syner. Også over trælane og trælkvinnene skal eg utausa min Ande i dei dagar.» Mange har oppfatta at dette handlar om dei siste tider. Sterke ord! Er det dette me ser i dag?
Kva tyder det at denne generasjonen skal gjera større under enn Jesus?
Annonse
Jesus seier i Joh. 14,12: «Sanneleg, sanneleg seier eg dykk: den som trur på Meg, skal også gjera dei gjerningane eg gjer. Han skal gjera større gjerningar enn desse, for Eg går til Far min.»
Her handlar det om den som trur. Teigen har utdjupa på Facebook at det er den nye fødselen eller frelsa som er dei «større» gjerningane. Det kan godt vera sant, men Jesus bed oss like fullt om å gjera det han gjorde. I 1 Joh 4, 17 står det: «For som Han er, slik er vi i denne verden». Det er det einaste kriteriet som Bibelen set opp for at me skal kunne gjera Jesu gjerningar er tru. I Hebr 11,5 står det: «Utan tru, er det umoglege å vera til behag for Gud.»
Bibelen skil ikkje mellom super-kristne og andre kristne. Men den skil mellom truande og vantruande. Dei fleste av oss vil nok seie saman med høvedsmannen: «Eg trur, hjelp meg i mi vantru!» Men lat oss ikkje skyva frå oss og kritisera dei som har fått nåde til å ha «stor» tru, men heller gå i deira fotefar og lat oss bli oppmuntra til å ta nye steg. Paulus oppmuntrar oss: «Prøv alt og hald fast på det gode.»
Kvifor blir Johnson kritisert for å ha tru for at ein milliard menneske skal bli frelst? Er det jantelova som stikk nasa si fram eller? Kvifor ikkje vera med å både be og heia fram ein slik enorm profeti? Ville ikkje du bli glad, Teigen, om dette stemmer?
Jesus var Guds Son, er Guds Son og vil alltid vera Guds Son. Samstundes seier Jesus noko ganske interessant då han forsvarer sin eigen guddomsposisjon i Joh. 11,35: «Viss han kalla dei gudar, dei som Guds Ord kom tilЃc». Kvifor vert det så problematisk for Teigen at me kristne er salva av den Heilage Ande til å gjera Jesu gjerningar, slik han har bede oss om, når skrifta kalla dei gudar som Guds Ord kom til?
Hugsar eg ikkje feil, så fekk Jesu etterfylgjarar fekk namnet kristne, fordi folket såg at dei likna på Jesus Kristus!
Og vidare: korleis Teigen forsvarar sitt syn om at Jesus dreiv ut demonane ved kraft av si guddomsnatur i Luk 8,28 og ikkje ved at han var salva av Anden, slit eg med å forstå. Og om han så gjorde, gjer det ein forskjell? Han seier like fullt i Mar 16,17-18: «Desse teikna skal fylgja dei som trur. I mitt namn skal de kasta ut demonar, de skal tala med nye tunger, de skal ta opp slangar, og viss de drikk noko dødeleg skal det slett ikkje skada dei. På dei sjuke skal dei leggja sine hender og dei skal verta friske.» Her står det ingenting om ekstra signing eller spesialkristne, men «dei som trur».
Kjære Arne Helge Teigen: Det handlar om tru verksam i kjærleik. Nådegåvene er ulike, men Anden er den same. Me tvilar ikkje på Jesu person. Men spørsmålet er om du og eg trur det som han seier at me kan gjera i hans namn
Annonse
Eg og mange med meg har blitt sterkt velsigna av Gud gjennom Bill Johnson si teneste. Me er blitt lækt, utfridd, fått ny von og oppmuntring berre ved å vitja kyrkjelyden hans og blitt møtt av Guds kjærleik gjennom enkle handpåleggingar eller ved å ta i mot ordet som vert forkynt.
Du og alle som ynskjer det, er velkomne til denne velsigna kyrkjelyden i Redding i California eller til ein av dei aktuelle kyrkjelydane i Noreg for å ta i mot i frå Gud.
Gud velsigne deg.
