PÅMINNING: Ein kross står i solnedgangen ved ei kopitsk kyrkje på Kypros.
Petros Karadjias/AP/NTB
Der det alltid er håp
Når skjermane våre flyt over av uvisse, øydelegging og død, blir det viktig å spørje kva det faste punktet vårt eigentleg er.
«In Christ alone my hope is found», erklærer engelske Stuart Townend og nordirske Keith Getty i første linje av den mest populære av songane dei har skrive saman. Direkte og omsett: Berre i Kristus er håpet mitt funne.
Dei to har spelt inn kvar sine versjonar av songen, sistnemnde med kona Kristyn Getty som vokalist. Oslo Gospel Choir har også spelt inn ein versjon.
Getty og Townend har kvar for seg og saman laga nokre av dei beste eksempla eg har høyrt på det ein kan kalle moderne salmar. Musikken er melodiøs og variert, men ofte inspirert av keltisk tradisjon. Tekstane har mykje bibelsk substans og er prega av ein evangelisk, reformatorisk teologi. «Kristus åleine» var som kjent eit av dei sentrale prinsippa til Martin Luther.
