INNHALDSRIKT: Gunnar Hamnøy har hatt ei uvanleg lang og brei teneste som forkynnar og hjelpearbeidar.
Tore Hjalmar Sævik
Etter 57 års jobb i misjon og hjelpearbeid er Gunnar pensjonist
– Svært takksam for at eg fekk Guds kall og har fått vere med, seier evangelist og gründer Gunnar Hamnøy.
Denne sommaren har vore spesiell for den energiske forkynnaren og gründaren. Etter til saman 57 års teneste i Misjonssambandet og hjelpeorganisasjonen NSP-Aid, har han gitt stafettpinnen vidare.
– Det kjennest litt rart, seier 76-åringen.
Stovedøra i Skodje på Sunnmøre står open og slepp inn lufta frå den frodige hagen. Dei første plommene er allereie modne.
