PRAKTISK ANLAGT: Tor Tveitane er ein Petter Smart i norsk kristenliv.
Odd Mehus
Han måtte slutte på gymnaset i 1. klasse. Trailerlappen er hans utdanning. – Eg har hatt eit godt liv
Tor Tveitane har trassa talevanskar og funne sin plass som allsidig praktikar i yrkesliv og misjon.
Det nærmar seg påske i 1975, og 17 år gamle Tor Tveitane kjenner at det ikkje går lenger. Han har prøvd å henge med i skuletimane, men stamminga gjer det umogleg å halde fram på gymnaset.
Når han skal lese ein tysk tekst høgt i klassen, kan det gå eit kvarter før han er ferdig med avsnittet sitt.
– Det var ikkje kjekt korkje for meg eller for dei andre i klassen. Så eg slutta til påske, og tredje påskedag byrja eg som radio- og tv-reparatør, fortel han.
