«La lyset frå fyret skine på meg»

Som tenåring vart eg oppslukt av gitar. Blant det eg fann inspirerande, var innspelingane til strengekunstnaren Knut Reiersrud og tangentvirtuosen Iver Kleive.

På albuma «Blå koral» og «Himmelskip», og seinare fleire andre, møttest jordnære gitarar og himmelske orgeltonar i nyskapande arrangement av norske og europeiske salmetonar.

Eg fekk også gleda av å sitje på nesten fremste benk då Reiersrud og Kleive hadde konsert i Herøy kyrkje, der eg var døypt og konfirmert. Få år seinare brann kyrkja ned natt til andre juledag. Men det er ei anna historie.

Reiersrud og Kleive skapte også eit anna musikalsk møte som gjorde inntrykk. På plata «Tramp» er den svarte vokalgruppa «Five blind boys of Alabama» med på songen «Let Your Light Shine».

Songen er laga av Blind Willie Johnson (1897-1945). Han var ein afroamerikansk songar, gitarist og evangelist som vart fødd i Texas. Sju år gammal miste han synet. Likevel handlar altså ein av songane han laga, om lyset han ønskjer skal skine på han.

«Endå ei lita stund er lyset mellom dykk. Gå så lenge de har lyset, så ikkje mørkret skal falla på dykk. Den som går i mørkret, veit ikkje kvar han kjem av. Tru på lyset så lenge de har lyset, så de kan bli born av lyset.»

Slik seier Jesus det i evangelieteksten komande søndag. Det nye testamentet presenterer Jesus som lyset for verda. Biletet kjem igjen også i fleire songar. Fyret som metafor kjem også igjen i ein av dei verkelege klassikararane frå bedehuset, «Navnet Jesus»: Midt i nattens mørke blinker som et fyrlys Jesu navn.

For min del minte songen med Reiersrud, Kleive og gospelkvintetten med stor stemmeprakt likevel først og fremst om barnesongen: «Det lille lys jeg har, det skal få skinne klart». Det er jo ein kjend barnesong frå norsk samanheng. Men også denne kjem frå amerikansk gospeltradisjon.

I CD-heftet hugsar eg Reiersrud skreiv at «Let your light shine» kunne minne om vår eigen bedehussong. Sånn sett går det linjer på kryss og tvers. Musikken er både felles og forskjellig. Men lyset er uansett det same.

Ref.

Let it shine on me, let it shine on me

Oh, let Your light from the lighthouse shine on

Let it shine on me, let it shine on me

Oh, let Your light from the lighthouse shine on

1. My Lord, he's done just what he said

Let Your light from the lighthouse shine on me

Heal the sick and rise the dead

Ref.

2. I know I've got religion and I ain't ashamed

Let Your light from the lighthouse shine on me

Angels in Heaven, done wrote my name

Ref.