Milliontap ved ni av ti kristne friskular i Rogaland
Elevtala aukar. Det gjer også underskota.
Publisert
Sist oppdatert
Frå 5 millionar i overskot til 3,5 millionar i underskot på eitt år.
2022 blei eit tøft år for Tryggheim skular på Nærbø og ei rekkje andre kristne friskular i Rogaland, ifølgje Stavanger Aftenblad.
Annonse
Dagen har tidlegare meld om tilsvarande tal ved 20 friskular rundt omkring i landet.
Men trass i store underskot veks elevtalet på fleire av skulane.
Stor vekst
Etter fleire år med vekst går i dag om lag fem prosent av elevar i Rogaland på friskule, ifølgje Aftenbladet.
Tryggheim er blant dei mest populære skulane.
I 2005 hadde Tryggheim ungdomsskule 13 elevar, medan 426 gjekk på vidaregåande. I dag er elevtalet 288 på ungdomsskulen og 550 på vidaregåande, skriv skulen på Facebook.
Tryggheim skular har hatt millionoverskot dei 15 siste åra, ifølgje Aftenbladet.
Men så kom 2022.
Annonse
Raude tal
Årsrekneskapen for fjoråret viser blodraude tal.
Økonomileiar Eivind Svensen forklarer underskotet med dyrtid og lågare tilskot frå regjeringa.
– Det gjorde det nesten umogleg for oss og andre friskular å gå i balanse, seier Svensen til Aftenbladet.
Usikker framtid
I kristne friskulars forbund stadfester fungerande generalsekretær, Helge Vatne, at 2022 og 2023 har vore vanskelege for friskulane.
– Korleis 2024 blir veit vi meir om når statsbudsjettet blir lagt fram, seier Vatne til Aftenbladet.
