Min advent: «Det vart ei jente!»

Dagen har utfordret 24 personer som skriver om det som gjør advent til en spesiell tid for dem. Her kan du lese de andre adventslukene.

Dei sterkaste opplevingane eg har hatt i mitt 40 år lange liv har alle funne stad på fødestova på Haukeland. Den første gongen sit som spikra. Ein mann som aldri hadde halde ein baby før, fekk ein bylt i armane sine frå ei garva jordmor, medan snøen lava ned over Årstad kyrkje like utanfor. Det vart ei jente! Eit fantastisk, velskapt lite under.

På fødestovene skjer det små mirakel kvar einaste dag. Kor konkret og fysisk det gjekk til då Gud vart menneske, trur eg aldri gjekk opp for meg, før den dagen på Haukeland. Tenk at Guds son og Hans mor begge vart fødde som små og hjelpelause babyar.